Si Jesukristo ug ang Imong Bag-ong Pagsugod

Si Jesus “nagpangadto-adto sa paghimo og mga kaayohan.” … Pagkadakong kuwang niana nga pamahayag! …

Ang tanang butang nga Iyang gisulti ug gibuhat naghatag og usa ka bag-ong sinugdanan alang sa matag usa niadtong Iyang giayo, gipanalanginan, gitudloan, ug gihaw-as sa sala. Siya wala mopalayo gikan kanila, ug Siya segurado nga dili mopalayo gikan kaninyo. …

… Kitang tanan makabaton og bag-ong sinugdanan pinaagi, ug tungod ni, Jesukristo. Bisan kamo. … Kini mao ang simbahan sa bag-ong mga sinugdanan! …

Ang paghinulsol moabli sa kahigayonan sa atong bag-o nga mga sinugdanan, presko nga mga pagsugod, ug ikaduha nga kahigayonan. …

… Ang bag-ong kaadlawon, bag-ong hugna, ug bag-ong mga kahigayonan mao ang yano nga kinauyokan sa maayong balita sa ebanghelyo!

… Ang kaaway mao lang ang nakabenepisyo gikan sa ideya nga kamo naunlod na. Matubos gihapon kamo.

Ug ang bag-ong mga sinugdanan labaw pa kaayo kay sa atoa lang mga sala ug kasaypanan. … Kamo sa pagkatinuod makausab sa mga butang kabahin sa inyong kaugalingon nga nakapasagmuyo kaninyo sulod sa katuigan. …

Ngadto niadtong mga nanglimbasog sa samang sala o sa samang babag nga nagbalik-balik, padayon kamo. … Ug mosalig kamo sa bag-ong sinugdanan nga anaa alang kaninyo sa matag higayon nga kamo mobalik ngadto sa inyong Amahan diha sa kasinsero sa kasingkasing. …

… Dawata ang inyong bag-ong sinugdanan, gani karon, karon dayon. Si Jesukristo mao ang Tagsulat ug Tigtapos sa atong pagtuo, nagsulat og dili maihap nga bag-ong hugna uban kanato. Siya mao ang Sinugdanan ug ang Kataposan—ang kataposan sa atong kaulawan ug pag-antos, ug ang sinugdanan sa bag-ong kinabuhi diha Kaniya, nagtugot kanato nga biyaan ang nangagi ug magsugod pag-usab sa bag-ong kaadlawon sa daghang higayon sumala sa atong gikinahanglan.