Gisulayan ug Gilig-on diha ni Kristo

Dugay na, nagtinguha ko nga makat-on og physics ug mathematics sa akong mga tuig sa kolehiyo. Gibati nako nga nabug-atan. … Misugod ko sa paghunahuna nga moatras, nga mobuhat og usa ka butang nga mas sayon.

Mibati ko og kaluya. Samtang nag-ampo ko, nabati nako ang hilom nga kaseguradohan gikan sa Ginoo. Ako mibati Niya nga miingon sa akong hunahuna, “Ikaw gisulayan nako, apan Ako anaa usab uban nimo.” …

Ako nakat-on nga ang akong pakigbisog sa physics sa tinud-anay usa ka gasa gikan sa Ginoo. Siya nagtudlo nako nga uban sa Iyang tabang, ako makahimo sa mga butang nga mura og imposible kon ako adunay pagtuo nga Siya anaa aron motabang nako. Pinaagi niini nga gasa, ang Ginoo milihok aron sulayan ug lig-onon ko.

… Ang pagsulay sa usa ka piraso nga asero mao ang pagbawog niini. … Ang asero wala mapahuyang pinaagi sa pagsulay. Gani, kini nahimong usa ka butang nga masaligan, usa ka butang nga igo ang kalig-on aron makadaog sa mas dako nga mga palas-onon. …

Kon kita magpadayon sa pagbaton og pagtuo ni Jesukristo—bisan kon ang mga butang tingali mabati nga imposible nganha nato sa pagka karon—kita mahimong mas lig-on sa espirituhanon nga paagi. …

Tungod sa Iyang mahimayaong Pag-ula, si Jesukristo makalig-on kanato sa atong mga panahon sa pagsulay. …

… Tingali kini hilom nga moabot, pinaagi sa mga pagsulay sa kinabuhi sa pamilya. Kini tingali moabot pinaagi sa sakit o pagkadismaya o kasubo o pag-inusara.

Ako mohatag sa akong pagsaksi nga kini nga mga higayon dili ebidensya nga kamo gibiyaan sa Ginoo. Kondili, kini ebidensya nga Siya igo nga nahigugma ninyo aron moputli ug molig-on ninyo. Siya naghimo ninyo nga makabaton og igong kusog aron mopas-an sa gibug-aton sa kinabuhing dayon.