Sabado sa Buntag nga Sesyon
Buhata ang Imong Bahin sa Tibuok Mong Kasingkasing
Mga Kinutlo
Germany
Sa yanong pagkasulti, ang pagkadisipulo nagkinahanglan og disiplina sa kaugalingon. …
… Ang atong pagtuo, ang atong pagkamaunongon ngadto sa Manluluwas, mahimong mas lig-on samtang sulayan kini batok sa mga oposisyon nga atong giatubang dinhi sa mortalidad. Molahutay kini tungod kay ato kining gipadayon sa pag-alima, kanunay nato kining madasigon nga gigamit, ug wala gayod kita mohunong.
Sa laing bahin, kon mapakyas kita sa paggamit sa pagtuo ug sa maka-impluwensiya nga gahom pinaagi sa paglihok niini, mahimo kitang dili na kaayo segurado sa mga butang nga sa una atong giisip nga balaan—dili na kaayo masaligon sa mga butang nga sa una atong nahibaloan nga tinuod. …
Ang siga sa atong pagpamatuod kagahapon makapainit lamang kanato sa mubo nga panahon. …
… Ang atong mga gasa modako ug modaghan lamang kon gamiton nato kini. …
Tingali tinuod nga ang atong espirituwal nga mga gasa dili kanunay nga makapasilaw, apan wala kana magpasabot nga dili kaayo kini importante. …
Mao nga buhaton nato ang atong gamay nga bahin. …
Hinumdomi, si Jesukristo mao ang mihimo sa gamhanan pa sa tawo nga bahin sa dihang gibuntog Niya ang kamatayon ug ang sala.
Ang atong bahin mao ang pagsunod ni Kristo. …
Kon huyang ang pagtuo, sugdi pinaagi sa paglaom diha ni Kristo Jesus ug sa Iyang gahom sa paglimpyo ug pagputli. …
Nahibalo kita nga ang atong mga paningkamot lamang dili makahimo kanato nga celestial. Apan makahimo kini kanato nga matinud-anon ug mapasaligon ngadto ni Jesukristo, ug Siya makahimo kanato nga celestial. …
… Mapasalamaton kita sa mga lakang nga atong nahimo kagahapon, apan dili kita mohunong diha. Ug nahibalo kita nga layo pa ang atong adtoan, hinay-hinay, apan dili nato kana tugotan nga makapaluya kanato.
Mao kana ang kamatuoran kon si kinsa kita—isip mga sumusunod ni Kristo.