Sabado sa Gabii nga Sesyon
Ang Maulaong Gugma ni Jesukristo
Mga Kinutlo
Talitha Cumi, ni Eva Timothy
Kon kamo nakahimo og seryoso nga mga sala ug anaa sa proseso o adunay tinguha sa hingpit nga paghinulsol ug mobati sa dili masulti nga kalipay sa pagpasaylo, palihog hibaloi nga kini nga milagro naghulat kaninyo. …
Ang pagpalayo gikan sa sala, pagduol ngadto sa Dios, ug pagpalig-on sa inyong pagtuo diha ni Jesukristo mao ang usa ka matahom nga sinugdanan. Mapainubsanong magtugyan sa inyong kabubut-on ngadto sa Dios naglakip sa pagsulti sa seryso nga sala ngadto sa inyong bishop o presidente sa branch, apan ang inyong hingpit nga pagpasaylo moabot gikan sa Manluluwas. …
Ang usa ka tinguha sa tinud-anay nga pagbalik ngadto sa Dios giubanan sa determinasyon nga magmatinuoron sa hingpit ngadto sa inyong Langitnong Amahan, nganha sa inyong kaugalingon, ngadto niadtong kinsa nasakitan, ug ngadto sa inyong lider sa pagkapari. …
Ang inyong mga tinguha mogiya ninyo nga gusto nga moayo unsay inyong naguba. Apan, nakahibalo nga ang pipila ka butang dili ninyo maayo, nag-ampo kamo nga ang Ginoo, pinaagi sa Iyang grasya, motabang nga mamaayo kadtong nasakitan sa sangpotanan sa inyong mga aksiyon. …
Samtang kamo magtinguha sa Iyang kapasayloan, magmapailobon samtang maghulat kamo sa Iyang hingpit nga pagtugot. …
Alang ninyo nga sa walay kaangayan nasakitan tungod sa seryoso nga mga sala sa uban, gusto kong mopakigbahin sa gugma ug kaluoy sa Manluluwas, sa Iyang kahupayan ug kalinaw.
… Mosaksi ko nga ang Manluluwas nakaila ug nahigugma kaninyo. Duol Kaniya. Siya ang inyong kahupayan ug kalig-on; Siya mopadala sa Iyang mga anghel aron sa pagtabang kaninyo.