Pagdala sa Ngalan ni Jesukristo

Makita nato ang dili mominos lima nga kapareha sa proseso diin kita modala diha sa atong mga kaugalingon sa ngalan ni Jesukristo. …

Ang unang kapareha mao ang pag-ila. … Kon kita modala nganhi sa atong kaugalingon sa ngalan ni Jesukristo, atong gilambigit ang atong ngalan ngadto sa Iyang ngalan. Kita mailhan uban Kaniya. …

Susama sa pag-ila mao ang laing kapareha—paghinumdom. … Alang kanato, ang pag-ambit sa sakramento matag semana nagtabang nato sa paghinumdom ni Jesukristo sa tibuok semana. …

… Bisan kon kita okupado sa ubang butang, kita magpabilin nga mahunahunaon Kaniya, sama nga atong hinumdoman ang atong kaugalingon nga mga ngalan, bisan unsa pay lain nga atong gitutokan.

Ang kalamboan sa paghinumdom sa unsay nahimo sa Manluluwas alang nato mao ang ikatulo nga kapareha—pagsunod. … Alang kanato, kon mas moila kita ug mahinumdom ni Jesukristo, mas gusto kita nga mahimong sama Kaniya. …

Ang pagsunod ni Jesukristo modala nato ngadto sa ikaupat nga kapareha—mohiusa ngadto sa Iyang mga katuyoan. Kita moapil Kaniya sa Iyang buhat. …

… Ang paghimo niining upat modala nato ngadto sa ikalima nga kapareha—pag-angkon og gahom. Kita maka-access sa gahom sa Dios ug sa mga panalangin sa atong mga kinabuhi. …

Samtang kita mohimo og dugang nga mga pakigsaad ngadto sa Dios, gidala nato sa atong mga kaugalingon sa mas hingpit nga paagi ang ngalan ni Jesukristo. Isip resulta, ang Dios mopanalangin nato sa Iyang gahom. …

… Duol ngadto sa atong Langitnong Amahan. Modala diha sa inyong mga kaugalingon sa ngalan ni Jesukristo. … Kamo mahimong usa ka nahimaya nga tigpanunod sa gingharian sa atong Amahan sa Langit, usa ka isigka manununod sa Iyang Unang Natawo, ang atong hinigugma nga Manluluwas ug Manunubos.