Sabado sa Hapon nga Sesyon
Ang Ginoo Nagpadali sa Iyang Buhat
Mga Kinutlo
Chile
USA
Adunay klaro nga ebidensya nga ang pagtuo diha ni Jesukristo nagkadaghan sa atong panahon. Sa Ang Simbahan ni Jesukristo sa mga Santos sa Ulahing mga Adlaw, adunay talagsaon nga pagdaghan sa kinabig ug partisipasyon sa kinabig. …
… Samtang ang Ginoo nagpadali sa Iyang buhat, kita kinahanglan nga mohigugma, moamuma, ug moserbisyo niadtong kinsa modawat sa Iyang ebanghelyo. …
Ngadto niadtong bag-o o mibalik sa pagtuo, adunay mga hagit nga inyong atubangon. Pagmapailobon sa inyong kaugalingon. …
Ang pagdawat sa mga ordinansa ug mga pakigsaad ug pagsunod sa mga sugo mahinungdanon. Tutoki ang mga pakigsaad nga gikinahanglan alang sa kahimayaan. …
Ang pagkat-on sa putli nga doktrina ni Jesukristo mao ang tibuok kinabuhi nga paningkamot, sa pagsabot sa doktrina ug sa pagpakabuhi nga sama ni Kristo. Ang mahinungdanong mga pakigsaad naghatag og usa ka paagi nga atong gihulagway nga dalan sa pakigsaad. …
Kon kamo maghimo og tumong sa takos nga pagdawat sa matag pakigsaad nga gikinahanglan alang sa kahimayaan, kamo anaa sa dalan nga padulong sa celestial nga gingharian. Ang templo ug mga ordinansa sa templo kinahanglan mao gayod ang atong tutokan. …
Kitang tanan mobati nga dili igo samtang kita maningkamot nga mahimong sama ni Jesukristo. Ang Iyang Pag-ula nagtugot nato sa paghinulsol matag adlaw kon kita makasala. …
Ang pagsunod sa Manluluwas ug sa Iyang doktrina ug mga pagtulun-an wala gayod sukad mahimong sayon sa usa ka kalibotan nga kanunay anaa sa kaguliyang. … Maayo gani, ang buhi nga mga propeta naghatag og giya nga atong gikinahanglan alang sa atong panahon. …
… Ako mohatag sa akong segurado ug piho nga pagsaksi nga si Jesukristo buhi, ug tungod sa Iyang Pag-ula, kita mausa ngadto ni Kristo.