Sabado sa Buntag nga Sesyon

Pasiuna

Mga Kinutlo

Ni Presidente Dallin H. Oaks

Presidente sa Korum sa Napulog Duha ka Apostoles

alt text — Conference Center, USA

I-download ang PDF

Akong minahal nga mga kaigsoonan, magpundok kita samtang nagbangotan sa kamatayon sa atong pinangga nga si Presidente Russell M. Nelson. Namulong ako kaninyo isip ang Presidente sa Korum sa Napulog Duha, ang posisyon nga ako gipaluyohan sa matag usa sa atong ward, stake, ug kinatibuk-ang komperensiya sulod sa milabay nga pito ug tunga ka tuig.

Mopadayon kita niining matag tunga sa tuig nga kinatibuk-ang komperensiya, sumala sa giplanohan ug uban sa mga mamumulong ug musika nga gipili ni Presidente Nelson human sa pipila ka bulan nga pagpangandam. …

… Si Presidente Nelson nakasabot sa bili sa kinatibuk-ang komperensiya aron sa paghatag og direksiyon ngadto sa mga Santos sa umaabot nga mga bulan. Ato siyang pasidunggan pinaagi sa pagsunod sa giplano nga eskedyul sa komperensiya nga iyang giaprobahan. …

Akong kaugalingon nga mubo nga pasidungog—tukma niini nga komperensiya ug sa mga pasidungog nga amo nang nahatag—mao kini: gimahal nako si Russell M. Nelson ug mas nakakat-on pa bahin sa ebanghelyo ug sa pagpangulo sa ebanghelyo gikan sa akong dugay nga pakighigala ug pakig-uban kaniya kaysa sa bisan kinsa nga lider nga akong personal nga nailhan. Siya ang atong modelo isip sulugoon ug sumusunod ni Ginoong Jesukristo.

“Unsa nga Butang nga Gitudlo ni Presidente Nelson Nga Nakausab sa Inyong Kinabuhi?”

“Mitudlo siya nako sa pagpasaylo bisan kon kini lisod. Nakigbisog ko sa pagpasaylo sa pipila sa mga sakop sa akong kaparyentihan tungod sa mga butang nga ilang gisulti. Apan human ko maminaw sa usa sa mga pakigpulong ni Presidente Nelson, nakapasaylo na ako kanila. Nakapabuka kini sa akong mga mata.”

Whitney L., 17, Texas, USA

“Usahay gibati nako nga ang Ginoo tingali nakalimot kinsa ko, apan si Presidente Nelson mitudlo nako nga ang Ginoo nakakita ug nagpakabana natong tanan. Kitang tanan dunay katuyoan.”

Nyah B., 15, Germany

“Sa pagdugang og hiyas sa akong mga hunahuna, mopakita og gugma nga putli ngadto sa tanan, himoong prayoridad ang akong pagkadisipulo, ug sa paghunahuna og celestial.”

Jacob Z., 17, Morelos, Mexico

“Nakakat-on ko kon unsa ka importante ang mga templo. Kon maghimo ko og desisyon, akong ibutang sa hunahuna ang templo. Buhaton nako ang tanan aron mahimong takos, tungod kay gusto ko nga mahimong takos.”

Elina S., 18, Thuringia, Germany

“Si Presidente Nelson mitudlo nako nga isip usa ka disipulo ni Kristo kinahanglan kong maningkamot kanunay nga mahimong tigpasiugda og kalinaw, mahimong mas mapailobon sa uban, ug dili makig-away aron lang mahimong sakto. Karon, maningkamot ko nga dili maglagot o masuko.”

Laura J., 15, Brazil

“Mapasalamaton ko ni Presidente Nelson nga nagtutok sa mga templo. Samtang akong gihimong prayoridad ang templo, nakaangkon ko og dili matarog nga pagpamatuod, nakadawat og pagpadayag, ug gusto nga moadto kanunay. Gibahandi nako kon unsa ka dako sa akong gibati nga gihigugma ug giatiman sa akong Langitnong Amahan.”

Jarom P., 18, Arizona, USA

“‘Usa sa labing sayon nga mga paagi sa pag-ila og usa ka tinuod nga sumusunod ni Jesukristo mao kon unsa ka manggiluy-on kana nga tawo motagad sa ubang mga tawo.’ Sukad nag-ampo bahin niini nga kinutlo gikan ni Presidente Nelson, nakahimo ko sa pagpangalagad sa akong mga higala sa pagtabang nila nga mobati sa gugma sa Manluluwas.”

Brayden H. 18, Colorado, USA

“Miagi ko og lisod gayod kaayo nga panahon nga mibati nga sobra na kini nga malahutay. Ang paghunahuna og celestial nakatabang nako nga ang akong mga problema temporaryo lamang. Kana nakatabang gayod nako nga makalahutay niana nga panahon sa akong kinabuhi.”

Sophie A., 15, Arizona, USA

“Ang akong relasyon sa akong igsoong lalaki dili maayo. Human si Presidente Nelson mihatag sa iyang pakigpulong nga ‘Gikinahanglan ang mga Tigpasiugda og Kalinaw,’ Nakahimo ko sa paghunong sa akong kasuko. Ang among relasyon maayo na kaayo karon.”

Roman D., 18, Oregon, USA