Sesioni i Paradites të së Shtunës

Hyrje

Pjesë të Shkëputura

Nga Presidenti Dallin H. Ouks,

President i Kuorumit të Dymbëdhjetë Apostujve

alt text — Qendra e Konferencave, SHBA

Shkarkoje në formatin PDF

Të dashur vëllezër e motra të mia, po mblidhemi ndërsa vajtojmë vdekjen e Presidentit tonë të dashur Rasëll M. Nelsonit. Ju flas si President i Kuorumit të Të Dymbëdhjetëve, pozicion në të cilin më kanë mbështetur në çdo konferencë tonën lagjeje, kunji e të përgjithshme, këto shtatë vjet e gjysmë të fundit.

Ne do të vijojmë me këtë konferencë të përgjithshme gjysmëvjetore, duke vazhduar sipas planit dhe me folësit dhe muzikën e caktuar nga Presidenti Nelson pas muajsh përgatitjeje. …

… Presidenti Nelson e kuptonte vlerën që ka konferenca e përgjithshme për t’u dhënë drejtim shenjtorëve për muajt e ardhshëm. Ne e nderojmë atë duke ndjekur programin e planifikuar të konferencës që miratoi ai. …

Homazhi im i shkurtër, i përshtatshëm për këtë konferencë dhe homazhet që kemi bërë tashmë, është ky: Unë e kam dashur Rasëll M. Nelsonin dhe kam mësuar më shumë rreth ungjillit dhe për udhëheqjen në ungjill nga miqësia dhe shoqërimi im i gjatë me të sesa nga çdo udhëheqës tjetër që e kam njohur personalisht. Ai është model për ne si shërbëtor dhe ndjekës i Zotit Jezu Krisht.

“Çfarë Është Diçka që e Dha Mësim Presidenti Nelson, e Cila jua Ndryshoi Jetën?”

“Ai më mësoi të fal edhe kur është vërtet e vështirë. E kisha të vështirë t’i falja disa nga pjesëtarët e rrethit familjar për gjërat që thanë. Por pasi dëgjova njërën nga bisedat e Presidentit Nelson, munda t’i falja. Ajo vërtet më hapi sytë.”

Uitni L., 17 vjeçe, Teksas, SHBA

“Ndonjëherë ndiej sikur Zoti mund ta harrojë se kush jam, por Presidenti Nelson më mësoi se Zoti na sheh dhe kujdeset për të gjithë ne. Të gjithë kemi një qëllim.”

Nia B., 15 vjeçe, Gjermani

“T’u shtoj virtyt mendimeve, të tregoj dashuri hyjnore ndaj gjithkujt, t’i jap përparësi dishepullimit tim dhe të mendoj çelestialisht.”

Jakob Z., 17 vjeç, Morelos, Meksikë

“Mësova thjesht sa të rëndësishëm janë tempujt. Sa herë që marr një vendim, përpiqem ta mbaj tempullin në mendje. Bëj çmos që ta mbaj veten të denjë, sepse dua të jem e denjë.”

Elina S., 18 vjeçe, Turingia, Gjermani

“Presidenti Nelson më mësoi se, si dishepulle e Krishtit, nevojitet të përpiqem gjithmonë të jem paqebërëse, më e duruar me të tjerët dhe të mos krijoj zënka vetëm sepse kam të drejtë. Tani, përpiqem të mos mërzitem ose zemërohem.”

Laura J., 15 vjeçe, Brazil

“Jam mirënjohës që Presidenti Nelson u përqendrua tek tempujt. Teksa e kam bërë tempullin një përparësi, dëshmia ime është rritur dhe bërë e pathyeshme, kam marrë zbulesë dhe dua të shkoj më shpesh në tempull. E çmoj faktin se sa fort ndiej dashuri dhe përkujdesje nga Ati im Qiellor në tempull.”

Jarom P., 18 vjeç, Arizonë, SHBA

“‘Një nga mënyrat më të thjeshta për ta dalluar një pasues të vërtetë të Jezu Krishtit, është se sa me dhembshuri ai person i trajton njerëzit e tjerë.’ Që kur u luta për këtë citim nga Presidenti Nelson, kam qenë në gjendje t’u jap shërbesë miqve të mi për t’i ndihmuar të ndiejnë dashurinë e Shpëtimtarit tim.”

Brejdën H., 18 vjeç, Kolorado, SHBA

“Po kaloja një periudhë vërtet të vështirë që më dukej sikur ishte shumë për t’u përballuar. Të menduarit çelestialisht më ndihmoi të kujtoja se problemet janë vetëm të përkohshme. Ajo më ndihmoi vërtet që të dilja nga ajo periudhë e jetës sime.”

Sofia A., 15 vjeçe, Arizonë, SHBA

“Marrëdhënia ime me vëllanë nuk ishte e mirë. Pasi Presidenti Nelson dha bisedën e tij ‘Kërkohen Paqebërës’, arrita ta lija pas zemërimin tim. Marrëdhënia jonë është shumë më e mirë tani.”

Roman D., 18 vjeç, Oregon, SHBA