Le të Jetë Zemra Juaj në Harmoni me Jezu Krishtin: Muzika e Fillores – Dhuratë e Shenjtë

Kam gjetur gëzim te lidhja me bashkëshenjtorët nëpërmjet gjuhës së përbashkët të muzikës së shenjtë. Dhe veçanërisht nëpërmjet këngëve të thjeshta të Fillores, Shpirti i Shenjtë i ka kapërcyer barrierat gjuhësore dhe ma ka mbushur zemrën me pëshpëritjen e Tij. …

… Muzika e Fillores është një nga mjetet më të ëmbla të Perëndisë për të mbjellë farat e dëshmisë në zemrën e dishepujve më të vegjël të Shpëtimtarit. …

… Muzika ka qenë gjithmonë në zemër të mësimdhënies së ungjillit ndaj fëmijëve. Këngët e Fillores mund të bëhen gjuha e parë shpirtërore e një fëmije sepse meloditë e tyre të thjeshta dhe të paharrueshme u japin zë të vërtetave të ungjillit. …

Këngët e Fillores gjithashtu mund të jenë mjete mësimdhënëse të fuqishme doktrinore. Disa këngë tregojnë historitë e jetës dhe shërbesës së Shpëtimtarit. Të tjera na mësojnë për cilësitë e Tij, si besimi i Tij, shpresa e Tij dhe dashuria e Tij hyjnore. Dhe këngët më të shenjta dëshmojnë për Shlyerjen e Tij të pafundme dhe dashurinë që rrjedh nga ai akt shpëtimi. …

… Një këngë e mësuar në moshën gjashtëvjeçare ka fuqinë të qëndrojë me ne dhe mund të kthehet dekada më vonë në çaste vendimmarrjeje, tundimi, pikëllimi ose gëzimi. …

… Shpirti mund ta përdorë muzikën për t’i skalitur të vërtetat e përjetshme në zemrën e tyre të butë. Dhe, me kalimin e kohës, fëmijët mund të zgjedhin ta kenë në harmoni dhe ta kthejnë zemrën dhe jetën e tyre te Jezu Krishti duke bërë dhe duke mbajtur besëlidhjet e shenjta me Të. …

Të dashur miq, unë dëshmoj se këngët e Fillores na mësojnë të vërtetat dhe doktrinën e përjetshme që na çojnë te Jezu Krishti dhe ungjilli i Tij.