“Ou te le o mautinoa tele e uiga i nisi mea na tutupu mai le Talafaasolopito o le Ekalesia. O le a se mea e tatau ona ou faia i a’u fesili?

“Talanoaina ou atugaluga ma se tasi e te faatuatuaina, e pei o se matua po o se epikopo. Afai e te le malamalama lava, ia taulai atu i le ata e sili atu ma le avea ma se soo lelei o Iesu Keriso.”

Andrew K., 17, Indiana, ISA

“E taua le manatua e ono suia aiaiga faavae, ae o le upumoni e tumau pea.”

Sheridan V., 17, Iuta, ISA

“Ua uunaia oe e saili tali i au fesili e ala i le tatalo, suesue, ma le sailia o le taitaiga mai taitai o le Ekalesia. E le gata i lea, e mafai ona e suesue i punaoa ua saunia e le Ekalesia, e pei o pepa o faamatalaga o talafaasolopito, lauga, ma lomiga, ina ia maua ai se malamalamaaga sili atu. E taua le taulimaina o au fesili ma le faatuatua ma le lotomaualalo, ma le faatuatua o le a e maua tali e te sailia e ala i le sailiia ma le faamaoni ma le taitaiga mai le Atua.”

Jude E., 17, Aba, Nigeria

“O le tatalo o le auala sili lea e iloa ai le sa’o mai le sese. 1 Nifae 10:19 o loo aoao mai ai o i latou o e sailiili ma le filiga o le a maua mealilo a le Atua. Iakopo 1:5 e faapea mai, ‘A e afai ua leai se poto i so outou, ina ole atu ia i le Atua.’ Mafaufau loloto i nei fuaiupu, ma, e pei o Iosefa Samita, o le a e maua tali i au tatalo faamaoni.”

Kern N., 13 tausaga, Brazzaville, Ripapelika o Congo

“Sa amata ona ou iloa atili e uiga i le talafaasolopito o le Ekalesia e ala i le faitauina o le Au Paia ma Faaaliga i le Talaaga. Ina ua amata ona ou faitauina, sa tele ni o’u masalosaloga. Sa amata foi ona ou tatalo soo i le Atua, aua sa aoaoina au e o’u matua i taimi uma ia masalosalo i o’u masalosaloga a o lei oo i lo’u faatuatua. Sa le faigofie, ae o uluai tagata o le Ekalesia o ni tagata, ma sa latou ositaulaga ma talitonu i le Atua soifua. O le mafuaaga lena ua tatou maua ai poloaiga ma sauniga.”

Elisa L.,17 tausaga, Santa Catarina, Pasila