Vaavaai mo Auala e Auauna Atu Ai

Ata na tusia e Katelyn Budge

Sa i ai se toeaina i la matou uarota sa le atoatoa le vaai ma sa le mafai ona sau i le lotu. O ia o se uo lelei a lo’u tama, ma sa ou lagona le uunaiga e fesoasoani ia te ia.

Sa ma maua ma se tasi o a’u uo le faatagaga mai lo’u epikopo e ave le faamanatuga ia te ia i Aso Sa uma. A o ou faia lena mea, sa ou iloaina ai o nisi taimi e manaomia ai e ia se tasi e auli ona lavalava. Ona ou iloaina lea e le mafai ona ia faia le Sau, Mulimuli Mai ia te A’u pe faitau le Tusi a Mamona, o lea sa ou faitau leotele atu ai ia te ia.

O le tele o lo’u taumafai ia ou nofouta i auala e auauna atu ai, o le tele foi lena o lo’u mauaina o mea e mafai ona ou faia e fai ai se eseesega. Ua siitia ese nei lenei tamaloa e faatasi ma ona afafine, ae sa ou lagonaina le filemu ina ua ou auauna atu ia te ia.

Ina ua afio mai Keriso i le lalolagi, sa afio mai o Ia e auauna atu. Ou te iloa o le auauna atu i lenei tagata, ua ou latalata atili ai i lo’u Faaola.