Filifilia o Keriso nai lo Meafaalogologo

Ata na tusia e Katelyn Budge

Sa masani ona ou faaaogaina a’u meafaalogologo i le aso atoa, e faalogologo ai i musika po o le YouTube. Sa ou faaaogaina i nisi taimi a o ‘aai i le ‘aiga o le afiafii, ma sa ou finau atu i o’u matua e mafai lava ona ou lagonaina latou. Sa ou matauina tagata o faaaoga i le taimi o gaoioiga a le autalavou ma sa ou manatu atonu e tatau foi ona ou faia. Ae e lei umi ae ou matauina ua tele naua lo’u taimi e faaalu i a’u meafaalogologo ma telefoni ae le lava le taimi i mea taua.

Ou te lei manao e tuu faamuamua a’u meafaalogologo i lo Iesu Keriso. Sa ou iloaina sa ou manaomia ona ou faia se suiga. Nai lo le faalogologo i musika e lei fuafuaina i le taeao, sa ou faalogologo i le pese a le autalavou “O Au o se Soo o Keriso” a o faitauina au tusitusiga paia. A o tuuina atu e le tagata pese le molimau e uiga ia Keriso, sa ou lagonaina le tuputupu ae o la’u molimau. Sa ou matauina sa ou lagonaina le fiafia atili, ma sa faatupulaia le malosi o la’u sootaga ma Keriso. Sa masani ona tumau pea upu ia te au i le aso atoa, e faamanatu mai ai ia te au e galue ma avea ma se soo o Keriso.

E ui ou te lei aveesea atoa au meafaalogologo mai lo’u aso, ae na amata ona faaitiitia lo’u faaaogaina. O le suia o la’u mausa lē lelei, na mafai ai ona ou faamuamua Iesu Keriso.

Ou te iloa e oo lava i le suia o se mea itiiti e pei o se mausa le lelei o le faalogologo e mafai ona e latalata atili atu ai ia Keriso.