O Ki i le Olioli

Mo Le Malosi o le Autalavou: O Se Taiala mo le Faia o Filifiliga e valaaulia ai i tatou ia maua le olioli ia Iesu Keriso ([2022], 34). Na fetalai mai le Faaola, “Ua ou fai atu nei mea ia te outou, … ia atoatoa foi lo outou olioli” (Ioane 15:11). Ae o a mea na Ia fetalai mai ai? “O a’u nei o le vine, o lala outou: O lē tumau ia te a’u, ma a’u ia te ia, o ia lava e fua tele mai; aua e le mafaia e outou ona fai o se mea e tasi pe a a’u le i ai” (Ioane 15:5). E tatau ona tatou fesootai ma Keriso ina ia fua mai ai fua o le olioli. Tatou te faia lena mea e ala i feagaiga. (Tagai i le itulau 2 i le lomiga lenei.)

E le mafai ona tatou talanoa e uiga i le olioli e aunoa ma le tautala atu foi e uiga i o tatou tino, aua o se ki lea i le mauaina o “se atoatoaga o le olioli” (Mataupu Faavae ma Feagaiga 138:17). E leitioa a faapea mai le taiala, “E paia lou tino” (22). Atonu e taumafai Satani e ta’u atu ia te oe e auleaga lou tino, ae ona o le a leai lava sona tino. Aua ne’i faalogo ia te ia. (Tagai i itulau e 8, 14, 22, ma le 27 i le lomiga lenei.)

A o e fesootai ma Keriso ma “taulimaina lou tino—ma tino o isi—ma le faaaloalo” (Mo Le Malosi o le Autalavou taiala, 24), o le a e maua le olioli.