Samuel G.

Ata na pueina e Carolina Triana

Ou te taalo pasiketipolo. I se tasi aso, sa ou avatu ai se feau tusitusia i le faiaoga o le a le mafai ona ou taalo i soo se taaloga i Aso Sa.

Sa ia tali mai, “O le a le uiga o lau tala? Afai e te manao e alu i se tulaga faapolofesa, e tatau ona e faamuamua le taaloga.” Sa ou fai atu ia te ia afai ou te manao e alu faapolofesa, e tatau ona ou faamuamua le Atua, ma o le a Ia fesoasoani mai ia te a’u.

Na fai mai lo’u faiaoga, “O le a ou faia mea uma e mafai ina ia faia ai taaloga i Aso Toonai.” Ma o le tulaga lena sa i ai.

Atonu e lē o taimi uma e aogā ai. Ae ou te fiafia ua iloa e lo’u faiaoga, mo a’u, e le muamua le taaloga—e muamua lo’u Tama Faalelagi.

Pe a ou faia mea sa’o, ou te lagonaina e mitamita le Tama Faalelagi ma Iesu Keriso ia te a’u. O se filemu e le mafai e se tasi ona aveesea mai ia te a’u, i le iloaina o loo ou taumafai ma o loo La silafia la’u taumafaiga.