O Se Feiloaiga sa Le’i Mafaufauina

I le taimi muamua sa ou manatu na togi e lo’u tina le tusi e aveese ai a’u mai la’u telefoni feaveai, ae na ou iloaina o le a ia le faia lena mea. Ma sa leai se savili po o se mea e mafai ona faamatalaina ai le auala na pauu ai tusitusiga paia.

I le fia iloa, sa ou tuu ai i lalo la’u telefoni ma piki i luga tusitusiga paia, ma soona tatala. O upu sa ou faitauina sa pei o se valaau sa’o i lo’u loto:

O Lenei faauta, ua lē pine ona oo mai o se galuega ofoofogia i le fanauga a tagata.

“O lea, outou o e e o atu i le galuega a le Atua, vaai ia outou auauna atu ia te ia ma o outou loto atoa, mafaufau atoa, manatu atoa, ma le malosi atoa, ina ia mafai ona outou tutu ma le lē pona i luma o le Atua i le aso gataaga.

“O lea, afai ua ia te outou le manao e auauna atu i le Atua, ua valaaulia outou i le galuega” (Mataupu Faavae ma Feagaiga 4:1–3).

Ou te le’i faitauina muamua lava nei fuaiupu. O upu na pa’i mai i se mea loloto i totonu ia te a’u.

Sa ou tamoe e ta’u atu i lo’u tina le mea na tupu ma faaali atu ia te ia le fuaitau sa ou faitauina. Sa tilotilo mai o ia ia te au ma loimata i ona mata ma fai mai na te talitonu o se faamanatu lenei mai le Tama Faalelagi ua valaauina au e se perofeta e saunia au lava e auauna atu i se misiona.

Mai lava i lena taimi, na amata ai ona ou vaai i le olaga ma lo’u faamoemoega i ai i ni mata fou. E ui lava sa ou fiafia pea i taaloga vitio, ae sa ou iloaina sa i ai se mea ua matuai suia lava i totonu ia te au. Sa tele ona taatia la’u telefoni feaveai i luga o le nofoa a o ou mafaufau loloto i afioga a Iesu Keriso na ootia ai lo’u agaga.

O le taimi nei ua ou auauna atu o se faifeautalai, ma faasoa atu le tala fiafia o le talalelei. Ou te fiafia na amata la’u malaga faaleagaga ina ua oo mai tusitusiga paia i lo’u olaga i se tasi po filemu, ma taitai atu ai i se valaauga faalelagi e le mafai ona ou le amanaiaina.