Angie O.

Ata na pueina e Carolina Triana

O nisi tagata o lo’u auaiga e le o ni tagata o Le Ekalesia a Iesu Keriso o le Au Paia o Aso e Gata Ai. Sa masani ona latou asiasi soo mai, ma sa latou fesiligia le tele o fesili e uiga i nisi o mea matou te faia. Sa latou taumafai foi e faatautee ma tetee i mea matou te talitonu i ai.

O nisi taimi sa matuai faigata lava, aua sa le mafai ona ou maua ni upu e faamatala ai o’u talitonuga. Ae sa ou iloaina afai ou te taumafai ia maua le malamalama, o le a fesoasoani le Agaga ia ou iloa le mea e fai.

E o’o lava i le taimi nei, o nisi taimi e fesili ai tagata i mea e pei o le, “Aisea e te faia ai lenei mea? Aisea e te fai mai ai faapen? ” Latou te fesiligia tele a’u pe a ou talanoa e uiga i la’u molimau. O nisi taimi ou te lagona ai le fefe ma mafaufau, “O le a se mea o le a latou fai mai ai? O le a se mea latou te manatu ai ia te a’u?” po o le “O le a latou manatu ua ou valea.”

Ae ou te iloa e malosi la’u molimau. Pe a ou faasoa moni atu mea ua ou iloa, e mafai ona ou agai i luma. Pe a ou faafetaia’ia o’u popolega ma tautala sa’o atu e uiga i mea ou te lagonaina ma mea ua ou iloa e lelei, e mafai ona ou alualu i luma ma faaleleia.

E alofa le Tama Faalelagi ia te i tatou. E mafai ona ia fesoasoani ia i tatou e faasoa atu le talalelei ma aumai le toatele o tagata ia Iesu Keriso.