O Le A Se Mea e Fesoasoani ia te Oe Pe a E Tauivi ma Lou Vaaiga Faaletagata Lava Ia?

“O le manatuaina o lo’u faamoemoega, o lo’u faasinomaga e faavavau, ma le auala ua ou i ai iinei e tuputupu ae ai, ae le o le atoatoa.”

Lily S., 14 tausaga, Kalefonia, ISA

“O le manatuaina o a’u o se atalii faapelepele o le Atua, ma e i ai Sana galuega mo a’u e fai.

Emmett C., 17 tausaga, Iuta, ISA

“Ou te manatua pea le autu a Tamaitai Talavou: E i ai lo‘u ‘natura paia ma le taunuuga e faavavau.’”

Jaredy H., 16 tausaga, Nuevo León, Mekisiko

“O loo ou i ai i le faatusa o le Atua. E faapei tagata uma o le tasi ma le isi ae e eseese foi le matagofie.”

Daxton B., 15 tausaga, Iuta, ISA

“Ou te faamanatu ia te a’u lava ia o loo ou i ai i le faatusa o le Atua ma e le afaina manatu o tagata.”

Shilo V., 16 tausaga, Florida, ISA

“Vaai i le faaata ma faapea atu, ‘O a’u o se atalii/afafine o le Atua.’ Ua ou i ai i Lona faatusa.”

Logan P., 14 tausaga, Initiana, ISA

“O le iloaina e alofa le Atua ia te a’u, ma o lo’u tino o se meaalofa!”

McKayla B., 17 tausaga, Arizona, ISA

“Ou te tatalo i le Atua e fesoasoani mai ia te a’u ia ou lagonaina Lona alofa mo a’u pe a leai so’u alofa mo a’u lava ia.”

Brynne B., 18 tausaga, Iuta, ISA

“Pe a ou le lagonaina le alofagia ma lagonaina e leai se tasi e popole, ou te iloa e popole Keriso ia te a’u ma e alofa ia te a’u.”

Lucy M., 17 tausaga, Arizona, ISA

“O se atavali e na o le tasi le lanu, e tusa lava po o le a le aulelei o le lanu, ua na o se ata tosi avanoa, ma lanu. O le isi auala ou te vaai ai o le a matuai le manaia lava le aufaipese pe afai o i matou uma o ni oloto.”

Elsa P., 17 tausaga, Idaho, ISA

“Ou te faafetai ona ua tuuina mai ia te a’u se tino e aoga lea e mafai ai ona ou tuputupu ae ma maua ni aafiaga.”

Aleksia C., 23 tausaga, Tirana, Alepania

“Usuina o le pese ‘O A’u o se Atalii o le Atua’ po o isi pese e faamanatu mai ai ia te a’u lo’u taua e faavavau.”

Anneliese C., 16 tausaga, Oregon, ISA

“O le pese a le autalavou ‘Pele’ mai le Strive o Be.”

Halle M., 16 tausaga, Initiana, ISA

“Manatuaina e uiga ia Iesu e ala i musika a le autalavou—e matele lava i le ‘Paia.’”

Wellie S., 16, Luanda, Angola

“Faaitiitia le taulai atu ia te a’u lava ia ae auauna atu i isi.”

Rebekah C., 16, Ohaio, ISA

“Auauna atu ma siitia tagata o loo siomia a’u!”

Ellie B., 19 tausaga, Iuta, ISA

“Ou te taumafai e taulai atu i malosiaga ua ia te a’u ma mea ua ou faatoilaloina i le olaga, aemaise lava ia Keriso.”

RJ E., 17 tausaga, North Carolina, ISA

“Ou te opoina lava a’u.”

Carli B., 17 tausaga, Idaho, ISA

“Vaai ia te oe lava i le faaata ma faapea atu, ‘Afai e mafai ona alofa Iesu ia te a’u, ona mafai lea ona ou alofa foi ia te a’u!’”

Clarissa U., 17 tausaga, Arizona, ISA

“Pe a ou mafaufau i tagata e alolofa ia te a’u.”

Clara L., 14 tausaga, Québec, Kanata

“O le fesoasoani mai o a’u uo ia te a’u ma faamalosia ai a’u.”

Haven G, 15 tausaga, Iuta, USA