Sandei Aftenun Sesen
Fasin blong Stap Revren long Ol Tabu Samting
Samfala Pat
Olsem ol disaepol blong Jisas Kraes, oli invaetem yumi blong krietem presen blong stap revren long laef blong yumi blong mekem se yumiwan yumi save wantem blong toktok wetem God mo Pikinini blong Hem Jisas Kraes, mo semmak taem mekem fasin blong yumi long saed blong spirit i kam strong. Sapos yumi filim moa ol filing ia olsem long hat blong yumi, bae yumi oltaem gat bigfala glad long laef blong yumi, mo bae i gat smol rum blong harem nogud mo sore. …
Sore tumas, yumi laef long wan wol we blong soem fasin blong stap revren from ol tabu samting hem i stap lus. …
… Blong nogat respek long ol tabu samting i helpem wok blong enemi blong spolem ol janel blong yumi blong kasem revelesen we oli impoten tumas long dei blong yumi tedei long saed blong spirit. …
Ol brata mo sista blong mi, fasin blong stap revren long ol tabu samting i leftemap fasin blong talem tangkyu, gat moa hapines, i lidim maen blong yumi i go long revelesen, mo i givim bigfala glad long laef blong yumi. Hemia i putum leg blong yumi long tabu graon mo leftemap hat blong yumi i go long God.
Mi testifae long yufala se taem yumi stap traehad blong gat klin fasin ia long evri dei laef blong yumi, bae yumi save gat tingting i stap daon, andastaning blong yumi long tingting blong God long yumi bae i kam bigwan, mo strong tingting blong yumi bae i kam strong long ol promes blong ol kavenan we yumi bin mekem wetem Lod. Mi witnes se taem yumi akseptem presen ia blong fasin blong stap revren long ol tabu samting—nomata long hil blong haos blong Lod, long wan miting haos, o long hom blong yumiwan—bambae yumi fulap wetem sapraes mo bigfala respek taem yumi konek i go long lav blong Papa blong yumi long Heven mo Jisas Kraes we i stret gud evriwan.