Mo Mifala I Tokbaot Kraes

Ol profet long taem blong yumi tedei—oli kasem revelesen we i long God blong tijim mo lidim yumi—oli stap invaetem yumi blong kam moa long Kraes. … Yumi save talem plante eksampol blong ol jenis mo mekem ol samting i kam moa gud we ol Fas Presidensi oli bin talemaot we i blong helpem yumi blong lukluk nomo long Jisas Kraes. …

Letem yumi lukluk moa kolosap long ol jenis blong sam long olgeta. Faswan, simbol blong Jos.

… Simbol ia i soem trutok se Kraes i stap long medel blong Jos Ia blong Hem mo i mas stap long medel blong laef blong yumi. …

… Simbol ia i wan ripresentesen blong lav blong Sevya Jisas Kraes mo i wan rimaenda we i no save finis abaot Kraes ia we i stap laef. …

Nao letem yumi lukluk long mining blong Ista. … Long sot toktok, oli leftemap tingting blong yumi blong muv i go long wan hae mo tabu wei blong selebretem Ista. …

Ista i letem yumi blong ona long tabu sakrifaes blong Jisas Kraes mo blong stap glad long Resureksen blong Hem. …

… Nomata se hem i wan Kristin fasin we i stap kam antap long ol defren relijin blong lukluk long Resureksen long semmak fasin, yumi talemaot doktrin blong yumi se “Resureksen i minim se evriwan we oli bin laef bae oli laef bakegen long ded mo se Resureksen i ril.”… Jisas Kraes i brekem ol rop blong ded blong evri man we oli stap laef. …

Blong endem, mi testifae se evriwan we oli akseptem ol invitesen blong profet blong yumi we i stap laef mo ol kaonsela blong hem blong tingbaot mo givim ona long tabu selebresen we Ista i ripresentem, bae oli faenem rilesensip blong olgeta long Jisas Kraes i gro i kam moa strong.