Yu Yu Mesaea Ya

Ol Samting We Hem I prea From Oli No Save Raetem, i kam long Casey Childs

Taem boe blong mitufala Eli i stap long klas 4, klas blong hem i setemap wan rolplei wok blong wan gavman mo ol studen long klas blong hem, oli bin jusum Eli blong givim seves olsem jaj blong klas. Wan dei, wan we i wok olsem man blong jaj blong Yuta Seken Distrik Kot, i visitim olgeta, hem i putum yunifom blong hem long Eli, mo afta i bin givim wan promes blong ofis long klas blong olgeta. Hemia i givim interes long yang sol blong Eli blong i stadi loa, mo Man Blong Loa Hemwan, Jisas Kraes.

Afta plante yia blong hadwok, Eli i bin kasem wan invitesen blong gat wan intaviu wetem wan long ol top loa skul we hem i laekem. Hem i talem, “… Las kwestin hem i, ‘Wea ples nao yu go blong kasem save long saed blong wanem we i gud mo nogud?’ … Mi bin talem se sapos evri man oli folem ol tijing blong Jisas Kraes long Tijing blong Hem antap long Hil, wol ia bae i kam wan gudfala ples we i gat moa pis.” Afta intaviu i finis, mo hem i tingting long hemwan, “Drim blong mi taem mi stap olsem pikinini, bae i no save kam tru. I no gat wan insaed long skul ia i wantem blong harem abaot Jisas Kraes.”

Tu wik afta, oli bin givim wan skolasip long Eli . Bifo skul i stat, mifala i bin visitim kampas ia. … Wetem sapraes, taem mifala i wokbaot i go tru long holwe blong wan naesfala laebri, mifala i luk ol flag mo ol tijing blong Jisas Kraes we oli raetem antap long ston.

I tru se Ol Tijing Blong Jisas Kraes long taem ia oli bin impoten tumas. I no gat wan nara tijing i save helpem yumi andastanem moa gud fasin blong Jisas Kraes, ol tabu fasin blong Hem, mo stamba tingting blong yumi blong kam olsem Hem, bitim ol niufala tijing ia we Jisas Kraes i bin givim. …

Yumi nidim blong fulumap Laet blong Jisas Kraes long evri samting we yumi stap mekem long laef blong yumi. …