Gat Tras long Fored blong God

Taem yumi mekem mo kipim ol kavenan wetem God, yumi save gat tras se hemia i kam long Spirit. Lod i bin talem long Profet Josef Smit se tras blong yumi i save “gro i kam strong long fored blong God.” …

Taem mi tokbaot blong gat tras long fored blong God, mi stap minim blong gat tras taem yu stap go kolosap long God naoia! …

?Olsem wanem nao yumi kasem kaen tras ia?…

… Long toktok blong Lod Hemwan, bigfala lav mo klin fasin i openem rod blong gat tras long fored blong God!…

Faswan, bigfala lav. …

!Fasin blong gat tru mo bigfala lav long evri man i fasin ia nao blong wan man we i putum pis! Hem i impoten blong yumi stap kaen taem yumi toktok o stori, tugeta, long pablik o praevet. …

Bae yumi askem strong long Papa blong yumi long Heven blong fulumap hat blong yumi wetem bigfala lav—speseli long olgeta we i had blong givim lav long olgeta—from bigfala lav i wan presen we i kam long Papa blong yumi long Heven long olgeta we oli ol tru man blong Jisas Kraes.…

Ale, naoia bae yumi tokbaot klin fasin. Lod i talem long yumi blong flasem ol tingting blong yumi oltaem wetem klin fasin. … Klin fasin i mekem evri samting i kam moa gud mo i moa hapi! … Klin Fasin bae i mekem yu yu fri aot long ol tingting we i fulap long wari mo trabol. …

… Bigfala janis we i stap long fored blong yumi i blong kam ol pipol we God i wantem yumi blong kam. … 

… Mi invaetem yu blong tekem ol impoten step blong bildimap tras blong yu long fored blong Lod. Afta, taem yumi go long Papa blong yumi long Heven wetem bigfala tras, bae yumi fulap wetem moa glad, mo fet blong yumi long Jisas Kraes bae i kam antap. Bae yumi stat blong eksperiensem paoa ia long saed blong spirit we i bigwan bitim ol hop we yumi gat.