Sandei Moning Sesen
Ol Taem we Bambae Olgeta Samting Oli Kam Niuwan Bakegen
Samfala Pat
Stret oganaesesen blong Jos Ia blong Jisas Kraes blong Ol Lata-dei Sent i stanap afta plante eksperiens blong ol merikel. …
Kamaot blong Papa mo Pikinini long Josef Smit, translesen mo wok blong Buk blong Momon i kamtru, mo restoresen blong ol prishud atoriti mo ol ki, oli ol samting we i nidim blong stap bifo oganaesesen blong Jos blong Lod we i kambak, we tedei i mekem 195 yia.
… Wan yia afta long oganaesesen blong Jos, Lod i givim instraksen long Josef Smit se bae ol ki blong kingdom blong God oli “givim long man long wol” bakegen mo “gospel blong Jisas Kraes bae i rol kasem ol en blong wol ia, semmak olsem ston we i kamaot hemwan long bigfala hil.”
Mi testifae: Lod i stap mekem ol promes blong Hem i hapen. …
… Olsem pat blong profesi blong restoresen ia blong evri samting long ol las dei ia, ol profet mo ol aposol blong bifo, oli bin kam mo givim prishud atoriti long Josef Smit mo givim ol prishud ki long hem. …
Wok blong las dei ia “i wan wok we i bin pulum tingting blong ol pipol blong God blong evri taem; hem i wan stamba toktok we, ol profet, ol pris, mo ol king oli bin stap tokbaot wetem spesel glad; oli bin wet, wetem glad, from dei ia we yumi stap laef long hem tedei; mo wetem hat mo glad blong heven, oli bin singsing mo raetem, mo talem profesi abaot taem blong yumi, tedei.” …
“Gud nius” we i moa impoten mo i fulap long glori, we eni man long eni ples long wol i save kasem oltaem i we mesej ia se Lod Jisas Kraes i bin putumbak gospel mo Jos blong Hem long ol las dei ia.
Jos Ia blong Jisas Kraes blong Ol Lata-dei Sent i Niu Testeman Jos blong Kraes.