Satedei Moning Sesen
Long Fored blong Yumi
Samfala Pat
Yumi glad tumas blong stap long wol ia taem Jos i stap kam bigwan long namba mo paoa, be moa impoten, hemia i stap bigwan insaed long hat mo laef blong ol memba blong hem. …
Tedei, Jos i gat 367 tempol we oli stap long ol defren level blong wok we oli stap disaenem mo bildim olgeta, o we oli stap wok finis. … Ol brata mo sista, yumi stap muvum tabu fasin blong yumi hariap taem yumi stap klin inaf blong go long tempol, taem yumi stap wosip insaed long haos blong Lod, mo taem yumi mekem ol kavenan wetem God, blong yumiwan, mo long bihaf blong olgeta long narasaed vel. …
Yumi luk we Lod i stap muvum wok blong Hem i go hariap long ol misin. … Moa impoten long ol namba ia, hem i spirit blong kam tugeta we i stap karem ol sol i kam long Jisas Kraes mo gospel blong Hem. …
Yumi luk we Lod i stap muvum hariap ol janis blong edukesen blong ol memba blong yumi mo iven olgeta we oli no serem semmak bilif wetem yumi, raon long wol. …
Naoia, moa long 800,000 studen raon long wol oli enrol long seminari mo institiut, mo hemia i namba blong ol enrolmen we i moa hae insaed long histri blong Jos. …
Wan nara ples we i soem hamas edukesen i stap gro insaed long Jos hem i BYU–Pathway Raon long Wol. Blong finisim ol klas ia, i minim blong gat akses blong save wok, mo akses long wok i minim blong gat wan laef we i moa gud blong ol famli, mo moa janis blong givim seves long Lod. …
Mi luksave se long medel blong ol gud nius blong gospel, i gat olgeta we oli traehad, we oli gat ol jalenj blong fet, ol tu tingting, mo ol kwestin we i luk olsem i nogat ol ansa blong hem. Ol brata mo sista, Jisas Kraes hem i ansa. Stat wetem Hem. Lukaotem han blong Hem insaed long laef blong yu. Lisin long Hem. …
Save se Hem i andastanem.