Satedei Moning Sesen
Atonmen blong Jisas Kraes I Givim Faenol Fridom
Samfala Pat
Eksperiens blong ol paeonia i givim wan histri blong kastom we i spesel mo wan storian we i gat paoa long ol Lata-dei Sent. …
Plante long ol Sent we oli pulum hankat oli eksperiensem hadtaem be oli stap longwe long ol hadtaem we man i no plan from we bae i mekem oli harem nogud. Be tu (2) hankat kampani, Willie Kampani mo Martin kampani, oli eksperiensem hanggri, kolkol weta i kilim olgeta, mo plante ded. …
Fastaem we Presiden Brigham Young i save abaot rabis situesen blong ol kampani ia hem i long 4 Oktoba, 1856. …
Hem i askem ol bisop blong oli givim 60 tim blong hos, 12 o moa wagun, mo 12 tan blong flaoa mo talem, “Go mo karem ol pipol ia we oli stap kam naoia long longfala rod ia i kam.”
… Sapos i no bin gat man blong go helpem olgeta, bae i gat plante moa bae oli ded. …
Sapos i no gat Atonmen, yumi no save sevem yumiwan aot long sin mo ded. …
Long ista sisen ia, lukluk blong yumi i stap long Sevya mo long paoa blong sakrifaes blong Hem. Atonmen i givim hop mo laet long wan taem we plante oli luk se i tudak mo i no gat laef. …
Mi serem tri(3) tingting we mi ting se oli gud blong dei we yumi stap long hem.
Faswan, no ting nating long hamas i impoten blong save mekem wanem we yumi save mekem blong help blong tekemaot ol narawan long ol hadtaem blong bodi mo speseli long saed blong spirit.
Namba tu, akseptem Atonmen blong Sevya wetem glad. …
Namba tri kaonsel blong mi i blong evri taem putumaot long saed taem blong tingting hevi wetem fet long Atonmen blong Sevya. I gat plante wei blong mekem hemia long wanwan fasin blong yumi folem relijin blong yumi. Be, speseli blong yumi atendem sakramen miting mo tekem sakramen hemia i impoten tumas.
Hem i impoten semmak long taem we yumi atendem tempol oltaem olsem we i posibol long situesen blong yumi. …
… Atonmen blong Jisas Kraes i givim faenol fridom long ol hadtaem we yumi fesem long laef ia.