Sandei Moning Sesen
Fasin blong Yu blong Sakem Sin I No Hevi long Jisas Kraes blong Karem; I Mekem Hem I Glad Bigwan
Samfala Pat
Tedei mi wantem blong toktok long yumi we samtaem yumi filim, “olsem se fasin blong sakem sin mo fogivnes i wok long evriwan be i no long mi.” …
Mi bin lanem se sapos yu wet kasem we yu klin inaf o stret gud inaf blong go long Sevya, !yu mestem rod ia nao! …
Mi testifae se long taem we God i kea abaot ol mistek blong yumi, Hem i kea moa abaot wanem bae i hapen afta we yumi mekem mistek. ?Bae yumi tanem yumi i go long Hem bakegen mo bakegen? …
Invitesen ia blong sakem sin i fasin ia blong soem lav blong God.
Taem yu talem yes long invitesen ia, hemia i soem lav blong yumi long Hem. …
Taem yumi stap long kavenan rod i no minim se bae yumi neva mekem wan mistek. Yumi stap long rod ia blong stap sakem sin evri dei.
Mo taem yumi stap sakem sin, God i fogivim yumi long wan wei blong no mekem yumi sem, blong komperem yumi long narafala man, o tok strong from hem i semmak samting we yumi bin sakem sin from las wik finis.
Hem i glad tumas evri taem we Hem i luk yumi go daon long ol ni blong yumi. Hem i glad blong fogivim yumi from long Hem, samting ia i mekem Hem i glad.
?Yu no filim se hemia i tru?
?Afta from wanem i had tumas long yumi blong bilivim?! Setan, bigfala man blong agens mo man blong giaman, i yusum fasin blong stap sem blong mekem yumi stap longwe long God. …
… Praes blong yu oltaem i “bigwan long ae blong God,” nomata ol risal blong ol desisen blong yu. …
Mi stanap ia blong witnes se Jisas Kraes i givim laet long olgeta we oli sidaon long tudak. … Wokbaot i go long Sevya—Wan Stret mo Klin Hop blong yumi.