Tabu Atoriti, Ol Naesfala Yang Man

Long Jenuware ia, taem mi stap sidaon long sakramen miting, ova long twelef yang man oli sastenem olgeta blong oli odenem olgeta i go long Aronik Prishud. Bodi blong mi i save filim wol i jenis.

Mi kam blong luksave se raon long wol, wan taem folem narawan, long ol sakramen miting semmak olsem hemia, oli stap sastenem mo odenem ten blong ol taosen blong dikon, tija, mo pris … i go long prishud seves blong laeftaem, we bae i hapen raon long ful wol. …

Ol odinesen ia oli rere long ol yang man ia from wan seves blong laeftaem, taem oli stap long ol impoten taem mo ples we bae oli nidim olgeta mo ol prea blong olgeta, mo ol paoa blong prishud blong God we oli holem we bae i impoten tumas. …

Lod i givim wok ia tedei long olgeta we holem prishud blong Aron tedei, blong mekem semmak samting we oli stap mekem long taem bifo finis: blong tijim mo mekem ol odinens—evri samting ia blong rimaenem yumi abaot Atonmen blong Hem.

Taem ol dikon, tija, mo pris oli help wetem sakramen, oli kasem ol blesing blong hem semmak nomo olsem evri narawan: taem oli kipim ol kavenan we oli mekem mo taem olgeta wanwan oli tekpat long sakramen. Be taem oli mekem ol tabu wok ia, oli lanem moa tu abaot ol prishud wok mo responsabiliti blong olgeta. …

Ol series situesen olsem i nidim blong wan i rere from long wan series fasin. …

Bae mi oltaem talem tangkyu se olgeta we oli holem Aronik Prishud, wetem ol paoa, ol odinens, mo ol wok; oli stap blesem yumi evriwan tru long ol ki blong “ol seves blong ol enjel, mo blong gospel blong fasin blong sakem sin, mo blong baptaes andanit long wota blong kam klin aot long ol sin” (Doktrin mo Ol Kavenan 13:1