Satedei Moning Sesen
Stap Klin Fulwan long Hem long Saed blong Spirit
Samfala Pat
Masta blong Hilim Evri Man bae i hilim ol hadtaem blong yumi—long saed blong bodi mo long tingting—long taem blong Hem. Be long taem blong stap wet blong kasem hiling, ? i posibol blong wan i kam gud fulwan? …
Fet long Jisas Kraes i givim hop. Mi faenem hop taem mi stap traehad blong kam klin fulwan—blong kam klin fulwan i kam tru long fet long Jisas Kraes. Fet long Hem i mekem hop blong mi i kam antap, blong kam klin, mo hop ia i mekem fet blong mi long Jisas Kraes i kam strong. Hem i wan proses we i gat paoa. …
Blong kam klin fulwan i minim blong kam gud evriwan. Hem i semmak olsem ol faef waes yang gel we laet blong olgeta i fulap wetem oel taem mared man ia i kamtru, yumi save kam klin fulwan long Jisas Kraes taem yumi fulumap ol laet blong yumi wetem moa oel blong fasin blong jenisim laef i go long Hem. …
Sevya i givim komanmen long yumi blong Serem laet blong Hem. Kipim laet blong yufala i fulap long oel blong fasin blong jenisim laef i go long Jisas Kraes, mo stap rere blong kipim laet blong yu i klin mo i gohed blong laet. Mo afta, letem laet ia i saen. Taem yumi stap serem laet blong yumi, yumi karem help blong Jisas Kraes i go long ol narafala man, laef blong yumi i jenis moa dip i go long Hem mo yumi save kam klin fulwan iven taem yumi stap wet blong kasem hiling. Mo taem yumi letem laet blong yumi i saen gud, yumi save stap glad iven taem yumi stap wet. …
Ol sista mo brata, ansa hem i yes, yumi save kam klin fulwan long saed blong spirit, iven taem yumi stap wet blong kasem hiling long saed blong bodi mo long tingting. Blong kam klin i no minim blong kam gud long saed blong bodi mo spirit long laef ia. Blong kam klin fulwan i kam tru long fet long Jisas Kraes mo jenis long Jisas Kraes mo blong letem laet blong jenis ia i saen.