Akseptem Presen blong Hem

Mi wantem tokbaot wan presen blong trutok we i no save finis we i kavremap evri narafala samting, we i mekem se yumi save gat paoa blong akseptem evri nara samting we Papa blong yumi i wantem blong givim long yumi—wan impoten save, i we taem yumi kasem fulwan mo akseptem dip long sol hem i mekem yumi andastanem ol glad mo hadtaem blong laef, mo ol kwestin blong yumi we i nogat ansa yet: Hem i we i tru yumi ol pikinini blong God. !Hem i mekem win blong yu i sot! !I gud tumas! Mo trutok ia hem i no wan parabol.

… Mo rod we yu stap long hem i plan blong Hem blong stap glad.… O Hem i wantem tumas blong yu gobak long Hem wan dei, blong akseptem stamba tingting blong evri naesfala presen blong Hem we i laef we i no save finis wetem Hem. …

… Yu save kam long Kraes wetem tras long lav mo kaen fasin blong Hem mo kasem evri presen blong Hem blong glad, pis, hop, laef, trutok, revelesen, save, mo waes—wetem tras long yuwan mo ol han blong yu we oli open mo rere blong akseptem ol presen ia. Mo yu save kasem ol presen ia from se yu sef mo stanap strong long save ia se yu yu wan gel mo boe blong God we Hem i lavem tumas, mo Hem i presen long yu long Pikinini blong Hem we i tabu mo i stret evriwan, blong i pemaot yu, stanap from yu, mo mekem yu yu tabu.

… Akseptem presen ia bakegen, o ating yu akseptem tru blong fas taem, mo letem i jenisim evri pat blong laef blong yu. Hemia i rod we God i bin mekem rere blong yu we i moa gud, tru long presen ia we i Pikinini blong Hem. !Yu yu stap, blong yu save gat glad!