“Nao From we Yufala i Stap Lavlavem Yufala, Bambae Olgeta Man Oli Luksave Se Yufala I Man blong Mi”

“Lavlavem wanwan long yufala,” Jisas i talem. “Nao from we yufala i stap lavlavem yufala, bambae olgeta man oli luksave se yufala i man blong Mi.” Plante taem, wan man o woman bae i talem testemoni blong hem abaot Jisas Kraes, hemia i kam tru taem hem i filim lav long medel blong ol disaepol blong Jisas Kraes. …

Eniwan we i stap lukaotem blong gat bigfala fet long Kraes o gat wan koneksen we i moa kolosap long Papa long Heven, i mas filim se hem i stap stret long hom insaed long Jos Ia blong Jisas Kraes blong Ol Lata-dei Sent. …

So, taem yumi stap traehad blong laef folem ol hae standet blong Lod, letem yumi gat longfala tingting wetem wanwan long yumi. …

… Blong stap gat wan hat, yumi mas lukaotem blong gat klin hat, mo hemia i nidim wan bigfala jenis blong hat.

Be hemia i no minim se blong jenisim hat blong mi folem tingting blong hat blong yu. O i no minim blong stap jenisim hat blong yu folem tingting blong hat blong mi. Hemia i minim se yumi evriwan i jenisim hat blong yumi folem tingting blong Sevya. …

Mo sapos yu stap filim se yu yu no pat, plis save se yu no stap yuwan. …

… Yumi wan, i no from ples we yumi bin stap long hem bifo, be from ples we yumi stap traehad blong kasem; i no from huia yumi be from huia yumi lukaotem blong kam olsem.

Hemia nao i wanem we i tru abaot Jos Ia blong Kraes. … 

?Mo bae i olsem wanem sapos yu yu defren long ol pipol we oli raonem yu? Hemia i no mekem yu yu no no pat—be i mekem yu kam wan pat ia we oli nidim insaed long bodi blong Kraes. …

Hemia i no minim se wok blong yu i blong jenisim evriwan blong kam olsem yu. Be i minim nomo se yu gat wan impoten samting blong kontribiut—!mo we yu gat wan impoten samting blong lanem!