Olsem wan Smol Pikinini

Jisas i … “singaot wan pikinini i kam long hem, …

“Mo i talem se, tru Mi talem long yufala, sipos yufala i no jenisim fasin blong yufala, blong kam olsem pikinini, bambae yufala i no save kam samtaem we God i King blong yufala.

“Be man we i mekem tingting blong hem i stap daon olsem pikinini ya, hem i hae moa, i winim olgeta narafala man we God i king blong olgeta.”…

…?Wanem i bin mekem Kraes Hemwan i krae long wan naesfala storian insaed long ful Buk blong Momon? ?Wanem nao Jisas i stap tijim taem Hem i singaotem ol enjel oli kamdaon aot long heven wetem faea mo oli raonem ol pikinini ia, mo Hem i talem long ol pipol ia blong “luk ol smol pikinini blong [olgeta]”?

Yumi no save wanem nao i bin mekem Hem i singaot ol enjel, be mi ting se hem i mas wan samting we i abaot klin fasin blong olgeta, tingting blong olgeta we i oltaem stap daon, mo wanem nao ol samting ia i save karem i kam long laef blong yumi. …

Be ol pikinini oli rili lavem Hem, mo lav ia i kamaot long ol nara rilesensip blong olgeta long laef mo wetem ol nara pikinini. Plante taem, iven taem oli smosmol nomo, i isi blong ol pikinini i lavem ol man, oli oltaem redi blong fogiv, mo laf blong olgeta i save mekem ol hat we oli strong tumas, i kam sopsop.

Mo lis i gohed. ?Fasin blong Stap Klin Evriwan? ?Tras? ?Strong Paoa long Tingting? ?Fasin? …

Ol sista, brata mo fren, long top blong lis blong ol naesfala pikja we mi save, i gat ol bebi mo pikinini mo yut we oli wantem blong mekem gud samting mo oli spesel tumas olsem olgeta we mi tokbaot tedei. Mi testifae se olgeta oli ol pikja blong kingdom blong God we oli naes tumas mo gat paoa long wol ia.