Sandei Moning Sesen
Ol Tabu Help blong Laef long Wol Ia
Samfala Pat
Bigfala help blong God we i moa strong, i we Hem i bin givim wan Sevya, Jisas Kraes, we bae i safa blong pem praes mo givim fogivnes long olgeta we oli sakem sin. …
Plan blong Papa blong Yumi long Heven i givim ol nara help blong lidim yumi long wokbaot blong yumi long wol ia. Bae mi tokbaot fo long ol help ia. …
Faswan, mi tokbaot Laet o Spirit blong Kraes. Long gudfala tijing blong hem insaed long buk blong Moronae, Moronae i kwotem papa blong hem se “Spirit blong Kraes, God i givim long evri man, blong hem i save gat save long samting we i gud aot long samting we i nogud” (Moronae 7:16). …
Nambatu long ol bigfala help we Lod i givim blong helpem yumi blong jusum wanem i raet, hem ol tabu daereksen insaed long ol skripja olsem pat blong wan plan blong sevem man (plan blong stap glad). Ol daereksen ia oli ol komanmen, odinens, mo kavenan.
Ol komanmen oli soem rod we Papa blong yumi long Heven i bin mekem blong yumi, blong progres i go from laef we i no save finis. …
Ol odinens mo ol kavenan oli pat blong loa we i soem rod we i go long laef we i no save finis. …
Ol nara help we God i givim long yumi oli ol samting we Tabu Spirit i stap soemaot. …
Wan long ol help blong God we i impoten tumas long ol fetful pikinini blong Hem, hem i presen ia we i Tabu Spirit. …
Wetem plante help we i gat paoa blong gaedem yumi long wokbaot blong yumi long wol ia, hem i nogud blong luk se plante oli gohed blong no stap rere blong luk Sevya mo Ridima blong yumi, Jisas Kraes. …
Fasin blong gat tingting we i stap daon, mo tras long Lod, oli ol meresin blong ol rong daereksen olsem.