Satedei Aftenun Sesen
Stap Rere blong Luk Sevya
Samfala Pat
Taem Presiden Nelson i tokbaot Seken Kaming, oltaem hem i tokbaot wetem glad mo hop long fiuja. Be, i no longtaem i pas, wan gel long Praemeri i bin talem long mi se hem i stap wari mo fraet fulap evri taem oli tokbaot Seken Kaming. Hem i talem: “Mi fraet from ol nogud samting bae oli hapen bifo we bae Jisas i kam bakegen.”
… Advaes we i moa gud blong hem, blong yu, mo blong mi, hem i blong folem ol tijing blong Sevya. …
Kolosap long en blong ministri blong Hem long wol ia, oli bin askem Jisas Kraes se wetaem bae Hem i kambak bakegen. …
Faswan, Sevya i talem parabol blong ol ten yangfala gel. …
Impoten lesen blong parabol blong ol ten yangfala gel ia, hem i blong yumi stap waes taem yumi akseptem gospel, lukaotem blong gat Tabu Spirit i stap wetem yumi, mo stap longwe long fasin blong giaman. … Yumi i mas mekem hemia blong yumiwan.
Afta Sevya i talem parabol blong ol talen. …
Wan mesej blong parabol ia i we God i wantem yumi blong gro long ol paoa we yumi bin kasem, be Hem i no wantem blong yumi komperem ol paoa blong yumi wetem hemia blong ol narawan. …
Laswan, Sevya i talem parabol blong ol sipsip mo nani. …
Lesen blong parabol blong Sevya abaot ol sipsip mo nani i we, yumi mas yusum ol presen we yumi gat—taem, ol talen, mo ol blesing—blong givim seves long ol pikinini blong Papa long Heven, speseli olgeta we oli no sef mo stap long nid.
Invitesen blong mi i go long Praemeri pikinini we mi bin tokbaot we i stap wari, mo long wanwan long yufala, i blong folem Jisas Kraes mo trastem Tabu Spirit olsem we bae yu mekem long wan fren we yu lavem tumas.