Бямба гаргийн үдээс хойших хуралдаан
Тэнгэрлэг эрх мэдэл ба сүр жавхлант залуу эрэгтэйчүүд
Хэсгүүд
Өнгөрсөн 1-р сард намайг ариун ёслолын цуглаанд сууж байх үед 10 гаруй залуу эрэгтэй Аароны санваарт дэвшигдэхээр дэмжигдэж байлаа. Би дэлхий ертөнц нүдний минь өмнө өөрчлөгдөж байгааг мэдэрсэн юм.
Дэлхий даяар, цагийн бүсчлэл бүрд, энэ мэт ариун ёслолын цуглаануудад хэдэн арван мянган дикон, багш, прист Израилын цугларалтын нийт хүрээг хамрах насан туршийн санваарын тохинуулалд томилогдохоор дэмжигдэж байгаад сэтгэл минь хөдөлсөн. …
Эдгээр залуу эрэгтэйн байгаа нь мөн залбирал болон атгаж буй Бурханы санваар нь чухал ач холбогдолтой цаг үе, газруудад байх аваас эдгээр томилгоо тэдний насан туршийн үйлчлэлийг эхлүүлдэг. …
Их Эзэн эрт дээр үеийнхтэй ижил зүйлсийг буюу Өөрийн Цагаатгалыг бидэнд сануулахын тулд ёслолуудыг зааж мөн түгээхийг одоогийн Аароны санваартнуудад даалгадаг.
Дикон, багш, пристүүд ариун ёслолд туслан, бусад бүх хүний адил өөрсдөө талх, уснаас хүртэхдээ, байгуулсан гэрээгээ сахин үүний адислалуудыг хүлээн авдаг. Гэвч тэд эдгээр ариун нандин үүргийг гүйцэтгэх үедээ санваарын үүрэг хариуцлагынхаа талаар илүү ихийг ойлгож авдаг. …
Ийм чухал хүлээлтэд чухал бэлтгэл шаардлагатай. …
Аароны санваартнууд санваарын хүч, ёслол, үүргийн хамтаар “тэнгэр элч нарын тохинууллын мөн наманчлалын сайн мэдээний, мөн нүглүүдийн ангижралын төлөө усанд умбуулалтаар хийх баптисмын” (Сургаал ба Гэрээнүүд 13:1) түлхүүрүүдээр дамжуулан бид бүгдийг адисалдагт би үүрд талархдаг.