Naʻe ʻIkai Ke u Loto Ke Loto-Mamahi Hoku Kaungāmeʻá

Tā fakatātā ʻa Katelyn Budge

Naʻe pau ke u fili ʻi ha taimi ʻe taha ʻi he ʻalu ki ha ʻekitivitī ʻa e Siasí mo e ʻalu ki ha paati ʻa ha kaungāmeʻa. Ko ha fili faingataʻa ia. Naʻe ʻikai ke u loto ke fakalotomamahiʻi hoku kaungāmeʻá, ka naʻá ku ongoʻi naʻe mahuʻinga ange ʻa e ʻekitivitī ʻa e Siasí. Naʻá ku lotua ia, pea naʻá ku ongoʻi nonga fekauʻaki mo hono fili ʻo e ʻekitivitī ʻa e Siasí.

Naʻe loto-mamahi hoku kaungāmeʻá ʻi he kamataʻangá, ka naʻe mahino kiate ia ʻeku filí ʻi he taimi naʻá ku fakamatalaʻi ange ai ʻeku ngaahi ʻuhingá. Naʻe fakahaaʻi mai ʻe heʻeku aʻusiá ko e taimi ʻoku ou fakamuʻomuʻa ai ʻa e ʻOtuá, ʻe tonu leva ʻa e meʻa kotoa pē. Naʻá ne fakamālohia foki ʻeku tui ʻe tataki au ʻe he ʻOtuá ʻi he taimi ʻoku ou fekumi ai ki Heʻene tokoní ʻo fakafou ʻi he lotú.

Kuó u maʻu ha nonga mo ha fiefia lahi ʻi heʻeku maʻu ha tui mo ha falala ki he ʻOtuá. Naʻa mo e ngaahi taimi faingataʻá, ʻoku ou ʻiloʻi ʻoku ʻi ai maʻu pē ʻa e ʻOtuá maʻaku. Pea ʻoku ou fakatauange ʻi hono vahevahe ʻeku ngaahi aʻusiá, te u lava ʻo ueʻi fakalaumālie e niʻihi kehé ke nau falala ki he ʻOtuá mo moʻui ʻaki ʻenau tuí.