Fakafehokotaki
Eliot L.
15, Palāsilia, Palāsila
Faitā ʻa Barbara Leite
Ko e taha ʻo e ngaahi ʻahiʻahi faingataʻa tahá ko e taimi naʻe kanisā huhu ai ʻeku faʻeé. Naʻá ku fakakaukau, “ʻE mole nai ʻeku faʻeé? Ko e hā ʻoku hoko ai ʻení?”
Naʻa mo e taimi naʻe faingataʻaʻia ai ʻeku faʻeé, naʻá ne loto ke toʻa maʻatautolu. Naʻá ne faʻa pehē mai, “Tuku ke u tau ʻe au ʻa e foó!” Ka naʻe ʻikai ke ne lava ʻo fakahoko ia. Naʻe pau ke mau tokoni. Naʻá ku ako ha meʻa lahi mei he aʻusia ko iá. ʻI he ʻaho ní, kuo moʻui ʻeku faʻeé, pea ʻoku ou fakamālō ki he Tamai Hēvaní ʻi he ʻaho kotoa pē.
Kuó u ako foki mei heʻeku tangataʻeikí fekauʻaki mo e ngāue tokoní. ʻI ha ʻaʻahi fakafāmili ki Sao Paulo, naʻe foaki ʻe heʻeku tangataʻeikí ha tangai ʻāpele ki ha tangata naʻá ne kole ha meʻatokoni. Kimui ange ʻi he ʻaho ko iá, naʻe foaki ʻe heʻeku tangataʻeikí ʻemau sanuisí ki ha tangata ʻe taha. Naʻá ne pehē, “ʻOkú Ne fiemaʻu lahi ange ʻe ia.”
Kiate aú, ʻoku ʻuhinga ʻa e hoko ko ha ākonga ʻa Sīsū Kalaisí ke fakafofongaʻi Ia ʻi he feituʻu kotoa pē, ʻi he taimi kotoa pē—ke hoko ko ha faʻifaʻitakiʻanga ki he niʻihi kehé mo fakahaaʻi ʻa e meʻa ʻoku ou ʻilo fekauʻaki mo Iá.