Ադամն ու Եվան

Ադամն ու Եվան Երկնային Հոր առաջին զավակներն էին երկրի վրա: Նրանք ապրում էին Եդեմի պարտեզում։

Աստված նրանց թույլատրում էր ուտել բոլոր ծառերի պտուղները, բացի մեկից: Եթե նրանք ճաշակեին բարու և չարի իմացության ծառի պտղից, ստիպված կլինեին լքել պարտեզը և, ի վերջո, կմահանային: Բայց սատանան խաբեց նրանց։ Նա ասաց, որ եթե նրանք ճաշակեն այդ պտղից, նրանք կիմանան բարին ու չարը, բայց չեն մահանա:

Եվան որոշեց ճաշակել պտուղը:

Ապա նա Ադամին տվեց այդ պտղից։ Եվ նա նույնպես որոշեց այն ճաշակել:

Աստված և Հիսուս Քրիստոսը այցելեցին նրանց, բայց Ադամն ու Եվան վախեցան և թաքնվեցին։ Աստված հարցրեց, թե արդյոք նրանք կերել են ծառի պտղից։

Ադամն ու Եվան ասացին, որ կերել են պտղից։ Այժմ նրանք պետք է լքեին Եդեմի պարտեզը։ Բայց Աստված ծրագիր ուներ նրանց համար։ Այժմ նրանք տարբերում էին չարը բարուց և կարող էին երեխաներ ունենալ:

Ադամն ու Եվան խոստացան հնազանդվել Աստծո պատվիրաններին։ Նրանք ավելին սովորեցին Աստծո Որդու՝ Հիսուս Քրիստոսի մասին։ Նրանք ուրախ էին, քանի որ Նա կօգներ իրենց ընտանիքին վերադառնալ Աստծո մոտ։