Adami dhe Eva

Adami dhe Eva qenë të parët nga fëmijët e Atit Qiellor që jetuan në tokë. Ata jetuan në Kopshtin e Edenit.

Perëndia i la të hanin frutën e çdo peme përveç njërës. Nëse do të hanin nga pema e njohjes të së mirës dhe të së keqes, ata do të duhej të largoheshin nga kopshti dhe përfundimisht do të vdisnin. Por Satani i gënjeu ata. Ai tha se nëse do ta hanin frutën, ata do të njihnin të mirën nga e keqja, por nuk do të vdisnin.

Eva zgjodhi ta hante frutën.

Më pas ajo i dha Adamit një pjesë nga fruta. Ai gjithashtu zgjodhi ta hante atë.

Perëndia dhe Jezu Krishti u bënë një vizitë atyre, por Adami dhe Eva patën frikë dhe u fshehën. Perëndia i pyeti nëse kishin ngrënë frutë nga pema.

Adami dhe Eva thanë se e kishin ngrënë frutën. Tani atyre iu desh të largoheshin nga Kopshti i Edenit. Por Perëndia kishte një plan për ta. Tani ata e njihnin të drejtën nga e gabuara dhe mund të kishin fëmijë.

Adami dhe Eva premtuan t’u binden urdhërimeve të Perëndisë. Ata mësuan më shumë rreth Birit të Perëndisë, Jezu Krishtit. Ata ishin të lumtur ngaqë Ai do ta ndihmonte familjen e tyre të kthehej te Perëndia.