“Së Shpejti Do të Jem Tetë Vjeçe”

Kur vajza ime ishte rreth gjashtë vjeçe, ne u përpoqëm sa më shumë që të ishte e mundur që ajo të shihte pagëzimet e fëmijëve të tjerë. Pas çdo pagëzimi, ne bisedonim me të për atë që kishte ndodhur. E ndihmuam të kuptonte se kur të ishte mjaftueshëm e rritur për t’u pagëzuar, ajo do të ishte në gjendje të gjykonte të drejtën nga e gabuara. Pas çdo pagëzimi, ajo thoshte: “Së shpejti do të mbush tetë vjeçe dhe do të pagëzohem edhe unë”.

Më në fund, vajza ime mbushi tetë vjeçe. Ajo u pagëzua dhe u konfirmua. Tani ajo kishte dhuratën e Frymës së Shenjtë. Ne i thamë se një nga mënyrat më të mira për ta mbajtur Frymën e Shenjtë me vete, ishte të merrte sakramentin.

Kur e merr sakramentin, ti premton ta kujtosh gjithmonë Jezu Krishtin. Fryma e Shenjtë do të të ndihmojë të bësh gjërat që dha mësim Jezusi dhe do të të kujtojë atë që mëson rreth Tij në shtëpi dhe në Fillore. Fryma e Shenjtë flet me një zë të qetë e të ulët dhe do të të ndihmojë të kuptosh se çfarë është e drejtë dhe çfarë është e gabuar.

Tani vajza ime e do shumë sakramentin! Mund ta duash dhe ti. Ndërsa e merr sakramentin çdo javë dhe e kujton Jezu Krishtin, do ta ndiesh më shumë Frymën e Shenjtë dhe Ai do të vazhdojë të të udhëheqë. Do të jesh në gjendje ta kujtosh gjithmonë Jezu Krishtin.

Hapat e Besëlidhjes

Ngjyros çdo skenë për të ndjekur vijueshmërinë ndërsa vajza e Plakut Oxhediran përgatitet të bëjë dhe të mbajë besëlidhjen e saj të pagëzimit.

Ilustrimet nga Samantha Windley