« ការទន្ទឹងរង់ចាំកម្មវិធីយុវវ័យ » ប្រិយមិត្ត ខែវិច្ឆិកា ឆ្នាំ២០២៥ ទំព័រ ៣៨–៣៩ ។
ការទន្ទឹងរង់ចាំ កម្មវិធីយុវវ័យ
ការចាកចេញពីអង្គការបឋមសិក្សានៅឆ្នាំដែលប្អូនឈានដល់អាយុ១២ឆ្នាំ ពេលខ្លះអាចមានអារម្មណ៍គួរឲ្យភ័យខ្លាច ឬថែមទាំងសោកសៅផងដែរ ។ សំណាងល្អ មានរឿងគួរឲ្យរំភើបជាច្រើនអំពីការឈានដល់អាយុ១២ឆ្នាំ ហើយនិងការចូលរួមក្នុងថ្នាក់យុវនារី ឬក្នុងកូរ៉ុមបព្វជិតភាពអើរ៉ុនរបស់ប្អូន ! នេះគ្រាន់តែជារឿងមួយចំនួនប៉ុណ្ណោះ ។
១
ព្រះវិហារបរិសុទ្ធ
ប្អូនអាចជួបជាមួយប៊ីស្សពរបស់ប្អូនដើម្បីទទួលបានប័ណ្ណចូលព្រះវិហារបរិសុទ្ធ និងធ្វើពិធីបុណ្យជ្រមុជទឹកសម្រាប់មរណជននៅក្នុងព្រះវិហារបរិសុទ្ធបាន !
២
សកម្មភាព និងព្រឹត្តិការណ៍នានា
ប្អូននឹងមានសកម្មភាពជាច្រើនជាមួយក្រុមយុវនារី ឬក្រុមបព្វជិតភាពអើរ៉ុនរបស់ប្អូន ។ ប្អូនក៏អាចទៅជំរំយុវវ័យដើម្បីសប្បាយរីករាយជាមួយអ្នកដទៃ ខណៈពេលកំពុងរៀនអំពីព្រះយេស៊ូវគ្រីស្ទ និងដំណឹងល្អរបស់ទ្រង់ !
៣
បម្រើនៅព្រះវិហារ
ប្អូនប្រហែលជាទទួលបានការហៅបម្រើនៅក្នុងថ្នាក់ ឬប្រធានកូរ៉ុម ។ ប្អូនក៏នឹងមានឱកាសបង្រៀនថ្នាក់របស់ប្អូន ជួយរៀបចំផែនការសកម្មភាព និងបម្រើតាមវិធីផ្សេងទៀតផងដែរ !
៤
ថ្នាក់សិក្ខាសាលា និងសន្និសីទ ដ.ក.យ.
នៅក្នុងឆ្នាំដែលប្អូនឈានដល់អាយុ១៤ឆ្នាំ នោះប្អូនអាចចាប់ផ្តើមចូលរៀនថ្នាក់សិក្ខាសាលា ដើម្បីស្វែងយល់បន្ថែមអំពីព្រះយេស៊ូវគ្រីស្ទ និងដំណឹងល្អដែលបានស្តារឡើងវិញរបស់ទ្រង់ ។ ប្អូនក៏អាចចូលរួមសន្និសីទ ដ.ក.យ. ( ដើម្បីកម្លាំងនៃយុវជន ) ជាមួយយុវវ័យផ្សេងទៀតដែលស្រឡាញ់ និងចង់ធ្វើតាមព្រះយេស៊ូវគ្រីស្ទ ។
៥
មាតិកាថ្មីសម្រាប់ប្អូន !
-
ដោយមានជំនួយពីឪពុក ឬម្តាយ សូមជាវទស្សនាវដ្តី ដើម្បីកម្លាំងនៃយុវជន នៅលើគេហទំព័ររបស់សាសនាចក្រ ។
-
សូមសួរឪពុក ឬម្តាយអំពីការទាញយកកម្មវិធីការរស់នៅតាមដំណឹងល្អ ។ វាមានគំនិតសប្បាយរីករាយជាច្រើនសម្រាប់ការរៀនសូត្រដំណឹងល្អ និងការបង្កើតគោលដៅសម្រាប់កម្មវិធីកុមារ និងយុវវ័យ ។
-
ចូរសិក្សា ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស ។ កូនសៀវភៅនេះត្រូវបានសរសេរដើម្បីជួយប្អូនធ្វើតាមព្រះយេស៊ូវគ្រីស្ទ ។
-
ប្អូន និងគ្រួសាររបស់ប្អូនអាចស្វែងរកដំណើររឿងលើកទឹកចិត្ត តន្ត្រី សេចក្តីប្រកាស និងដំណើររឿងជាច្រើនទៀតនៅលើគណនីប្រព័ន្ធផ្សព្វផ្សាយសង្គម Strive to Be ។