« វាក្យសព្ទដំណឹងល្អរបស់ខ្ញុំ » ប្រិយមិត្ដ ខែវិច្ឆិកា ឆ្នាំ២០២៥ ទំព័រ ១០ ។
វាក្យសព្ទដំណឹងល្អរបស់ខ្ញុំ
សូមរកមើលពាក្យ និងឃ្លាទាំងនេះនៅក្នុងទស្សនាវដ្ដី ប្រិយមិត្ដ ច្បាប់នេះ !
ដង្វាយមួយភាគក្នុងដប់
ការថ្វាយ ដង្វាយមួយភាគក្នុងដប់ គឺជាការថ្វាយទៅឲ្យព្រះវរបិតាសួគ៌វិញដោយបរិច្ចាគមួយភាគដប់ ( ១០ ភាគរយ ) នៃប្រាក់ដែលយើងរកបានទៅដល់សាសនាចក្ររបស់ទ្រង់វិញ ។ ដង្វាយមួយភាគក្នុងដប់ជួយកសាងព្រះវិហារបរិសុទ្ធ និងសាសនាចក្រ ព្រមទាំងគាំទ្រដល់កិច្ចការរបស់សាសនាចក្រផងដែរ ។ នៅពេលយើងបង់ដង្វាយមួយភាគក្នុងដប់ នោះព្រះវរបិតាសួគ៌ប្រទានពរដល់យើងតាមរបៀបជាច្រើន !
បុព្វការីជន
បុព្វការីជន របស់យើងគឺជាមនុស្សនៅក្នុងគ្រួសាររបស់យើងដែលបានរស់នៅតាំងពីយូរមកហើយ មានដូចជាជីដូនជីតារបស់យើង ។ បុព្វការីជនគឺជាផ្នែកមួយដ៏សំខាន់នៃពង្យប្រវត្តិរបស់យើង ។ យើងអាចរៀនអំពីពួកលោក ចងចាំពួកលោក និងធ្វើកិច្ចការព្រះវិហារបរិសុទ្ធសម្រាប់ពួកលោក ដើម្បីយើងអាចនៅជាមួយគ្នាជារៀងរហូត ។
ការធ្វើលិបិក្រម
ការធ្វើលិបិក្រម គឺជាវិធីមួយដែលយើងអាចជួយអ្នកដទៃស្វែងរកបុព្វការីជនរបស់ពួកគេបាន ! យើងវាយបញ្ចូលឈ្មោះចេញពីកំណត់ត្រាក្រដាសចាស់ៗដាក់ចូលទៅក្នុងកុំព្យូទ័រ ដើម្បីមនុស្សអាចស្វែងរកសមាជិកគ្រួសាររបស់ពួកគេ និងអាចស្វែងរកកំណត់ត្រាអំពីជីវិតរបស់ពួកគេបាន ។ ការណ៍នេះជួយកិច្ចការពង្សប្រវត្តិ និងកិច្ចការព្រះវិហារបរិសុទ្ធ ដើម្បីឲ្យមនុស្សកាន់តែច្រើនអាចបានផ្សារភ្ជាប់ជាមួយគ្នាជារៀងរហូត ។ សូម្បីតែកុមារក៏អាចជួយធ្វើលិបិក្រមបានផងដែរ !
ទុក្ករកម្ម
ទុក្ករកម្ម កើតឡើងនៅពេលដែលនរណាម្នាក់ស្លាប់ដោយបុព្វហេតុអ្វីមួយដែលពួកគេជឿ ។ យ៉ូសែប ស្ម៊ីធ និងបងប្រុសរបស់លោក ហៃរុម ត្រូវបានគេធ្វើទុក្ករកម្ម ព្រោះពួកលោកត្រូវបានគេសម្លាប់ដោយសារតែជឿលើ ការរស់នៅ និងការបង្រៀនដំណឹងល្អដែលបានស្តារឡើងវិញរបស់ព្រះយេស៊ូវគ្រីស្ទ ។
រចនារូបភាពដោយ ម៉ាឌីសិន ប៊េកឺ