Njihu me Fletët e Arta!

Rreth vitit 421 ps.K.

Profeti Moroni te Libri i Mormonit vulosi fletët e arta. Fletët përmbanin mësime rreth Jezu Krishtit. Ato tregonin gjithashtu historinë e popullit të Moronit.

1823

Moroni e vizitoi Jozef Smithin si engjëll. Moroni i tregoi atij se fletët e arta ishin groposur në kodrën Kumorah aty afër.

1827

Pasi Jozefi ishte përgatitur për katër vjet, Zoti i mirëbesoi atij që t’i merrte fletët në shtëpi.

1828

Jozefi i përktheu fletët duke dëgjuar me vëmendje Frymën e Shenjtë. Ai përdori gjithashtu mjete të posaçme nga Perëndia. Ai përdori një gur të quajtur gur shikues dhe mjete të quajtura interpretues ose Urimi dhe Thumimi, që ishin groposur bashkë me fletët.

1829

Ati Qiellor e ndihmoi Jozefin të kuptonte atë që thoshin fletët. Oliver Kaudëri ndihmoi të shkruante atë që përktheu Jozefi.

Të paktën dymbëdhjetë njerëz i panë fletët e arta. Njëra prej tyre ishte Meri Uitmeri. Mund ta lexosh dëshminë e dëshmitarëve të tjerë në pjesën e përparme të Librit të Mormonit. Asnjëri nga këta njerëz nuk e mohoi kurrë atë që përjetoi.

1830

Kopja e parë e përkthyer e Librit të Mormonit në anglisht u shtyp në letër në Palmira të Nju‑Jorkut në SHBA.

Sot

Libri i Mormonit tani lexohet në mbarë botën! Ai është përkthyer në 115 gjuhë. Misionarët e shpërndajnë Librin e Mormonit te kushdo që munden.