Eja, Më Ndiq – Veprimtaritë

“Vlera e shpirtrave është e madhe në sytë e Perëndisë” (Doktrina e Besëlidhje 18:10). Kjo do të thotë që çdo njeri është i rëndësishëm për Atin Qiellor, duke të përfshirë ty! Bëj një vizatim të vetes. Përpiqu ta zbukurosh me materiale të ndryshme artistike! Në krye shkruaj “Perëndia më Do”.

Jezu Krishti na kërkon ta dëgjojmë Atë (shih te Doktrina e Besëlidhje 19:23). Dëgjuesit e mirë e mbajnë mend atë që kanë dëgjuar. Uluni në një rreth. Një person pëshpërit një fjalë nga ungjilli. Personi tjetër e përsërit dhe i shton një fjalë të re. Ndiqni radhën në rreth derisa çdokush të ketë shtuar një fjalë që ta mbajë mend!

Jezu Krishti e rivendosi Kishën e Tij sot në atë mënyrë që ishte kur Ai qe vetë në tokë (shih te Doktrina e Besëlidhje 20). Emërtoji gotat plastike me bekimet që kemi si pjesë e Kishës së Jezu Krishtit, si priftëria, pagëzimi, profetët. Pastaj me gotat njëra përmbi tjetrën ngri një kullë të lartë!

Atit Qiellor i pëlqen shumë kur ne këndojmë nga zemra (shih te Doktrina e Besëlidhje 25:12). Zgjidh disa këngë të Fillores për t’i kënduar së bashku. Sajo veprime që të shkojnë me tekstin e këngës.

Profeti merr zbulesë nga Ati Qiellor dhe Jezu Krishti për Kishën (shih te Doktrina e Besëlidhje 28:7). Shtyp në letër një fotografi ose bëj një vizatim të profetit. Në krye shkruaj: “Profeti thotë …” Shkruaj ose vizato gjëra që na ka dhënë mësim profeti ynë.