Ճիշտ օգտագործեք տեխնոլոգիաները

Էլեկտրոնային սարքերը, ինչպիսիք են հեռախոսները և համակարգիչները, կարող են հզոր գործիքներ լինել Տիրոջ աշխատանքն առաջ տանելու, մեր արտադրողականությունը բարձրացնելու և դրական հարաբերություններ զարգացնելու համար: Կան նաև բազմաթիվ գայթակղություններ, կապված այս սարքերի հետ:

Կարդացեք «Ինչ պետք է անեք, եթե խոցելի եք կամ զգայուն» գլուխ 2-ում՝ Քարոզիր Իմ ավետարանը ձեռնարկում ([2023], 21–22)։ Փնտրեք երեք սկզբունքներ, որոնք կարող են օգնել մեզ հաղթահարել տեխնոլոգիայի օգտագործման հետ կապված գայթակղությունները:

• Սկզբունք 1․ Ուշադրություն դարձրեք ձեր մտքերին, զգացմունքներին և վարքագծին:

• Սկզբունք 2․ Գործեք։

• Սկզբունք 3․ Սովորեք, ապաշխարեք և բարելավվեք:

Ջեյմսը մի խաղ ունի իր հեռախոսում, որը հաճույքով է խաղում: Նա սովորաբար հանում է հեռախոսը ընթրիքի ժամանակ, եկեղեցում կամ դպրոցի դասի ժամանակ՝ խաղալու համար:

Սկզբունք 1․ Ուշադրություն դարձրեք ձեր մտքերին, զգացմունքներին և վարքագծին:

• Որո՞նք են այն մտքերը կամ զգացումները, որոնք ստիպում են Ջեյմսին անել դա:

• Ի՞նչն է կարևոր, որ նա հասկանա այս իրավիճակներում տեխնոլոգիաների կիրառման մասին:

Սկզբունք 2․ Գործեք։

• Ի՞նչ կոնկրետ գործողություններ կարող էր ձեռնարկել Ջեյմսը, որպեսզի ավելի ներգրավված լիներ այս սոցիալական միջավայրում:

Սկզբունք 3․ Սովորեք, ապաշխարեք և բարելավվեք:

• Ի՞նչ կարող է սովորել Ջեյմսը իր փորձից, երբ ջանքեր է գործադրում կատարելագործվելու համար:

• Սոֆիան սոցիալական ցանցերում տեսավ մի քննարկում, որը զայրացրեց նրան, և նա ուզում է պատասխանել:

• Երբ Գիդեոնը ձանձրանում է, նա սկսում է թերթել իր հեռախոսը։ Վերջերս նրան գրավել է պոռնոգրաֆիա դիտելը։

• Մարիան հաճախ համեմատում է սոցցանցերում իր ունեցած հավանումների և հետևորդների թիվը իր ընկերների հավանումների և հետևորդների թվի հետ:

• Երբ Լուկասը քայլում է, նա գրեթե միշտ երաժշտություն է լսում ականջակալներով։

• Ամարին հաճախ ուշ է քնում՝ տեսախաղեր խաղալու պատճառով։