Մկրտվելու և հաստատվելու հրավեր

Պատմող․ Սառան Աստծո հետ հարաբերություններ ձեռք բերելու ցանկություն է զգացել քոլեջը սկսելուց ի վեր՝ երկու ամիս առաջ։ Վերջերս նա հանդիպեց միսիոներներին։ Իրենց առաջին այցելության ժամանակ քույր Հերնանդեսը և քույր Ուիլյամսը Սառային ուսուցանեցին Հիսուս Քրիստոսի ավետարանի վերականգնման մասին և հրավիրեցին նրան կարդալ և աղոթել Մորմոնի Գրքի մասին: Այժմ միսիոներները կրկին հանդիպում են Սառայի հետ։ Նրանք առաջնորդված են զգում Սառային մկրտվելու հրավեր հղել։

Քույր Հերնանդես. Սառա, դու մեզ ասացիր, որ ցանկանում ես հետևել Աստծուն և խորացնել քո հարաբերությունները Նրա հետ: Եկեք միասին կարդանք Աստվածաշնչից այն մասին, թե ինչպես Հիսուս Քրիստոսը մեզ ցույց տվեց Աստծուն հետևելու ճանապարհը։

Քույր Ուիլյամս. Մատթեոս 3-րդ գլխում մենք կարդում ենք Հիսուսի մասին, ով գալիս է Հովհաննես Մկրտիչի մոտ: Սառա, կկարդա՞ս Մատթեոս 3.13–17 հատվածները:

Սառա․ [բարձրաձայն կարդում է Մատթեոս 3․13–17]։

Քույր Հերնանդես․ Սառա, Հիսուսը մկրտվեց, որպեսզի ամբողջ արդարությունը կատարի։ Դա նշանակում է, որ Նա հնազանդվեց մկրտվելու պատվիրանին: Ի՞նչ գիտեք մկրտության մասին:

Սառա․ Գիտեմ, որ դա մի բան է, որը մարդիկ հաճախ են անում։ Եկեղեցում, որտեղ ես մեծացել եմ, հիշում եմ, որ տեսել եմ մարդկանց մկրտվելիս։ Իմ ընտանիքից ոչ ոք չմկրտվեց։ Դրանից բացի շատ բան չգիտեմ։

Քույր Հերնանդես․ Շնորհակալություն դրանով կիսվելու համար, Սառա։ Թույլ տվեք ավելին բացատրել այն մասին, թե ինչ է մկրտությունը։ Աստված ցանկանում է, որ մենք վերադառնանք և ապրենք Իր հետ: Աստծո մոտ վերադարձի ուղին մենք սկսում ենք՝ հավատք գործադրելով առ Հիսուս Քրիստոսը։ Հիսուս Քրիստոսին հավատալը մեզ տանում է կյանքի փոփոխության և մեր մեղքերի ապաշխարության: Մկրտությունն առաջին ուխտն է, որը մենք կապում ենք այդ ուղու վրա։ Այն մեզ ավելի է մոտեցնում Փրկչին, և մենք ուրախություն, ներում և հույս ենք զգում։ Մկրտությունը նաև արարողություն է։ Դա նշանակում է, որ սա այն արարողությունն է, որը կատարվում է քահանայության իշխանությամբ։

Քույր Ուիլյամս․ Երբ մկրտվում ենք, մենք ուխտ կամ խոստում ենք կապում Աստծո հետ։ Մենք նաև խոստանում ենք ծառայել Նրան և պահել Իր պատվիրանները: Որպես այս ուխտի մաս՝ Աստված խոստանում է, որ Նա կների մեր մեղքերը և կօրհնի մեզ Իր Հոգով, որպեսզի մենք կարողանանք մաքրվել, առաջնորդվել և մխիթարվել:

Քույր Հերնանդես․ Սառա, կհետևե՞ս Հիսուս Քրիստոսի օրինակին՝ մկրտվելով որևէ մեկի կողմից, ով կարգվել է կատարելու այս արարողությունը: Մենք կօգնենք քեզ նախապատրաստվել մկրտությանը: Մենք հավատում ենք, որ դու կարող ես պատրաստ լինել հուլիսի 29-ին: Դու կպատրաստվե՞ս, որպեսզի մկրտվես այդ օրը։

Սառա․ Այո։ Ինձ թվում է՝ սա այն է, ինչ ես փնտրում էի:

Քույր Ուիլյամս․ Սառա, մենք ոգևորված ենք այն օրհնությունների համար, որոնք կգան քեզ՝ այս ընտրությունը կատարելիս։ Մկտրվելը մեծ խաղաղություն և զորություն կբերի քո կյանք։ Մենք շատ բան ունեք քեզ ուսուցանելու, որը կօգնի քեզ նախապատրաստվել։

Պատմող․ Այզեքն առաջին անգամ է հանդիպում միսիոներներին։ Նա շատ հարցեր ունի կյանքի նպատակի և այն մասին, թե ինչպես կարող է ավելի շատ երջանկություն գտնել: Միսիոներները ուսուցանեցին Այզեքին Երկնային Հոր փրկության ծրագրի մասին։ Դասի ընթացքում երեց Բրաունինգը և երեց Սինգը հուշում են զգում Այզեքին հրավիրել մկրտվելու։

Երեց Բրաունինգ․ Այզեք, մենք ուզում ենք խոսել Երկնային Հոր մոտ վերադարձի ուղու մասին։ Նա ուզում է, որ մենք վերադառնանք և ապրենք Իր հետ, և Հիսուս Քրիստոսը դա հնարավոր է դարձրել։

Երեց Սինգ․ Աստծո մոտ վերադարձի ուղին մենք սկսում ենք Հիսուս Քրիստոսին հավատալով։ Երբ հավատք ունենք առ Հիսուս Քրիստոսը, մենք, ըստ էության, ուզում ենք փոխել մեր կյանքը և ավելի նմանվել Նրան։ Մենք հնազանդվում ենք Նրա ուսմունքներին և ապաշխարում ենք, երբ մեղանչում ենք։ Հավատքն ու ապաշխարությունը մեզ տանում են մկրտության և հաստատման։ Կասե՞ս մեզ, թե ինչ գիտես մկրտության մասին։

Այզեք. Ես մեկ-երկու մկրտություն եմ տեսել տարբեր եկեղեցիներում, բայց դրանից բացի շատ բան չգիտեմ: Կարծում եմ, որ դա մեղքերի մասին է:

Երեց Բրաունինգ․ Դու ճիշտ ես: Մկրտությունը մեզ Աստծուն կապելու առաջին քայլն է, որպեսզի Սուրբ Հոգին կարողանա մաքրել, զորացնել և դեպի լավը փոխել մեր էությունը: Այն նաև Աստծո հանդեպ մեր պարտավորվածության արտահայտումն է։ Երբ մենք մկրտվում ենք, ուխտ կամ պայման ենք կապում Նրա հետ, որ կծառայենք Նրան և կպահենք Նրա պատվիրանները։ Երբ մենք անում ենք դա, Աստված ուխտում է, որ դուրս կթափի Իր Հոգին մեզ վրա, և կների մեր մեղքերը։

Երեց Սինգ․ Նաև խոստանում ենք, որ կամենում ենք մեզ վրա վերցնել Հիսուս Քրիստոսի անունը, պահել Աստծո պատվիրանները, ծառայել Աստծուն և ուրիշներին, և համբերել մինչև վերջ։ Դա նշանակում է, որ մկրտությունը նոր սկիզբ է մեր կյանքի համար: Մենք, իհարկե, դեռ կունենանք դժվարություններ և սխալներ կգործենք։ Բայց մեր ողջ կյանքում մենք երբեք չենք դադարի փորձել պահել մեր խոստումը և ապավինել Հիսուս Քրիստոսին։

Երեց Բրաունինգ․ Այզեք, կհետևե՞ս Հիսուս Քրիստոսի օրինակին՝ մկրտվելով որևէ մեկի կողմից, ով կարգվել է կատարելու այս արարողությունը: Մենք կօգնենք քեզ նախապատրաստվել մկրտությանը: Մենք հավատում ենք, որ դու կարող ես պատրաստ լինել հուլիսի 29-ին: Դու կպատրաստվե՞ս, որպեսզի մկրտվես այդ օրը։

Այզեք․ Այո։ Սա հենց այն է, ինչ ես փնտրում էի:

Երեց Սինգ․ Այզեք, մենք ոգևորված ենք այն օրհնությունների համար, որոնք կգան քեզ, մինչ դու կատարում ես այս ընտրությունը։ Մկտրվելը մեծ խաղաղություն և զորություն կբերի քո կյանք։ Մենք շատ բան ունեք քեզ ուսուցանելու, որը կօգնի քեզ նախապատրաստվել։