Միսիոներական պատրաստության ուսուցման ուղեցույց

Այս դասընթացի բոլոր տարրերը միտված են օգնելու սովորողներին՝ ամրացնել իրենց դարձը դեպի Հիսուս Քրիստոսը և Նրա վերականգնված ավետարանը: Դարձի հետ գալիս է նաև Հիսուս Քրիստոսի ավետարանը ուրիշների հետ կիսվելու աճող ցանկությունն ու ընդունակությունը։ Որպեսզի ստեղծվեն պայմաններ, որոնք նպաստում են դարձին, դասարանի անդամները կհրավիրվեն.

• Խորասուզվել Քարոզիր Իմ ավետարանը ձեռնարկի ուսումնասիրման մեջ, որպեսզի կարողանան զգալ այդ ձեռնարկի զորությունն ու կարևորությունը։ Նրանց կներկայացվի նաև Հարմարվել միսիոներական կյանքին ձեռնարկը (2013):

• Սովորել միսիոներական նպատակը (տես Քարոզիր Իմ ավետարանը ձեռնարկը, 1) և տեսնել, թե այն ինչպես կարող է առաջնորդել նրանց թե իրենց կյանքում՝ այսօր, թե միսիոներական աշխատանքի բոլոր ոլորտներում։

• Ստանձնել պարտավորություններ, որոնք կօգնեն նրանց ապրել Հիսուս Քրիստոսի ավետարանով, պատրաստվել միսիոներական ծառայությանը և կիսվել Փրկչի ավետարանով ընտանիքի և ընկերների հետ:

• Սովորել և կիրառել գլուխ 3-ի ճշմարտությունների ուսուցումը Քարոզիր Իմ ավետարանը ձեռնարկից։

• Կիրառել հմտություններ, որոնք կօգնեն նրանց դառնալ ավետարանի ավելի լավ ուսուցիչներ և հուզական առումով ավելի դիմացկուն:

Այս ձեռնարկը ներառում է ուսումնառության փորձառությունների երկու տեսակ՝ հիմնական դասեր և հմտության կիրառումներ:

Այս դասընթացը ձեռնարկի վերջում ներառում է հմտության 10 կիրառումներ: Հմտության կիրառումները նախատեսված են օգնելու աշակերտներին զարգացնել հմտություններ՝ արդյունավետ ուսուցման և հուզական դիմացկունության համար:

Հետևյալը հմտության կիրառումների ցանկ է․

• Հմտության կիրառում 1. Ներկայացրեք մարդկանց Մորմոնի Գիրքը

• Հմտության կիրառում 2. Օգտագործեք սուրբ գրությունները ձեր ուսուցման մեջ

• Հմտության կիրառում 3. Ուսուցանեք մարդկանց, թե ինչպես աղոթել

• Հմտության կիրառում 4. Տվեք ոգեշնչված հարցեր

• Հմտության կիրառում 5. Աշխատեք անգիր անել սուրբ գրությունները

• Հմտության կիրառում 6. Խոսեք բոլորի հետ

• Հմտության կիրառում 7. Արձագանքեք անհամապատասխանության զգացումներին

• Հմտության կիրառում 8. Միտումնավոր շնչառություն

• Հմտության կիրառում 9. Ճիշտ օգտագործեք տեխնոլոգիաները

• Հմտության կիրառում 10. Զարգացրեք առողջ մտածողության օրինակներ

Հմտության կիրառումները կարող է ուսուցանվել նույն դասի ընթացքում՝ որպես հիմնական դաս: Որոշ հիմնական դասեր առաջարկներ են տալիս համապատասխան հմտության կիրառումների վերաբերյալ։

Հմտության կիրառումների տևողությունը նախատեսված է մոտ 15-20 րոպե, սակայն կարող եք հարմարեցնել դրանք՝ դարձնելով ավելի երկար կամ կարճ: Պետք չէ հերթով ուսուցանել հմտության կիրառումները, դուք կարող եք սովորեցնել դրանք ցանկացած հերթականությամբ: Թեև հմտության կիրառումները կարևոր են, սակայն ամբողջ դասընթացի ընթացքում ձեր ուսուցման ժամանակի մեծ մասը պետք է ծախսվի հիմնական դասերի վրա:

Թեև այս դասին հաճախող սովորողներից շատերը պատրաստվում են ուսուցման միսիայի, ոմանք գուցե պատրաստվում են ծառայության միսիայի: Ուրիշները գուցե չունենան լիաժամկետ միսիայում ծառայելու ծրագրեր, սակայն ցանկություն ունենան սովորելու, թե ինչպես ավելի արդյունավետորեն կիսվել ավետարանով և օգնել հավաքել Իսրայելը։ Զգայուն եղեք բոլոր մասնակիցների կարիքների հանդեպ, ոչ միայն նրանց, ովքեր պատրաստվում են ուսուցման միսիայի: Փնտրեք հնարավորություններ՝ օգնելու բոլոր սովորողներին տեսնել այս դասընթացի օրհնություններն ու օգուտները։ Օրինակ՝ դասընթացի ընթացքում կարող եք որոշ ժամանակ տրամադրել ծառայության միսիայի հնարավորություններն ու օրհնությունները վերանայելու համար (տես ChurchofJesusChrist.org/service-missionary լրացուցիչ տեղեկությունների համար):

Տեղեկության համար, թե ինչպես ստանալ ինստիտուտի ավարտականի կրեդիտներ կամ կրեդիտ, որը կարող է փոխանցվել Եկեղեցու դպրոցներ, տես InstituteCredit.ChurchofJesusChrist.org:

Այս դասընթացը ճկուն է: Այն կարող է օգտագործվել ճյուղերի, ծխերի, ցցերի և ինստիտուտների կողմից։ Այն կարող է օգտագործվել դասարանի կողմից, որը միայն մի քանի շաբաթվա կամ մի քանի ամսվա տևողություն ունի։ Այն կարելի է հարմարեցնել նաև տնային կիրառման համար։

Հետևյալ աղյուսակը ցույց է տալիս, թե ինչպես կարելի է 50 րոպեանոց դասաժամ կազմել․

Մի քանի ամիս հանդիպող դասարանները կարող են մեկից ավելի դասաժամեր անցկացնել տվյալ դասի վրա։

Հետևյալ օրինակները լուսաբանում են այս դասընթացի բովանդակությունը դասավանդելու տարբեր մոտեցումներ:

Օրինակ 1․ Ցցի դասարան (20 դասաժամ, յուրաքանչյուր դասը՝ 60 րոպե)

Եղբայր Լոուալը պատրաստվում է միսիոներական պատրաստության դասընթաց ուսուցանել իր ցցում՝ Ակրայում (Գանա)։ Նրա դասարանը կհանդիպի ամեն շաբաթ: Եղբայր Լոուալը այս ծրագիրն է կազմում.

• Հիմնական դասերը ուսուցանել ամսվա առաջին և երրորդ կիրակի օրերին։

• Քանի որ դասարանն ունի Եկեղեցու շատ նոր անդամներ և Եկեղեցու մի քանի ոչ անդամներ, եղբայր Լոուալը որոշում է լրացուցիչ շեշտը դնել հիմնական դաս 6-ի վրա։ Նա որոշում է՝ յուրաքանչյուր ամսվա երկրորդ և չորրորդ կիրակի օրերին հիմնական դաս 6-ից ուսումնական վարժություն անցկացնել: Սա իր դասարանին բազմաթիվ հնարավորություններ կտա ուսումնասիրելու և ուսուցանելու հիմնական վարդապետությունը գլուխ 3-ից Քարոզիր Իմ ավետարանը ձեռնարկից։

• Նա նաև առանձնացնում է չորս հմտության կիրառում, որոնք ուզում է օգտագործել իր դասարանում։ Նա որոշում է, որ յուրաքանչյուր երկու շաբաթը մեկ հմտության կիրառում է անցկացնելու։ Մի հմտությունն այնքան կարևոր է իր դասարանի համար, որ նա որոշում է այն կիրառել երկու տարբեր դասաժամերի։

Օրինակ 2․ Ցցի դասարան (7 դասաժամ, յուրաքանչյուր դասը՝ 60 րոպե)

Եղբայր և քույր Գրինները պատրաստվում են միսիոներական նախապատրաստության դաս ուսուցանել իրենց ցցում՝ Պրովոյում (Յուտա): Նրանց դասարանը կհանդիպի երկու շաբաթը մեկ։

• Իրենց ցցի նախագահի հետ խորհրդակցելուց հետո նրանք որոշում են հիմնական դասեր ուսուցանել՝ 1, 3, 6, 9 և 12։ Նրանք կօգտագործեն երեք դասաժամեր, որպեսզի կենտրոնանան հիմնական դաս 6-ի վրա: Այդպես վարվելով՝ դասարանին բազմաթիվ հնարավորություններ կտրվեն սովորել, հասկանալ և կիրառել ուսուցանելու կարևոր ճշմարտություններ գլուխ 3-ից Քարոզիր Իմ ավետարանը ձեռնարկից։

• Ելնելով իրենց ցցի նախագահի խորհրդից, Գրինները հմտության կիրառման դասընթացի ընթացքում նաև ժամանակ կգտնեն «Զարգացնել առողջ մտածողության օրինակներ» և «Խոսեք բոլորի հետ» հմտությունների պարապմունքների համար:

Օրինակ 3. Ինստիտուտի դասարան (14 դասաժամ, յուրաքանչյուր դասը՝ 90 րոպե)

Քույր Սիլվան պատրաստվում է միսիոներական պատրաստության դաս ուսուցանել ինստիտուտի իր դասարանի համար Մանաուսում (Բրազիլիա)։ Նրա դասարանը կհանդիպի ամեն շաբաթ 90 րոպեով: Քույր Սիլվան որոշում է անել հետևյալը.

• Առաջին 11 շաբաթը նա 50 րոպե կտրամադրի տարբեր հիմնական դասերի համար: Իմանալով, որ իր դասարանի անդամներից մի քանիսը Սուրբ Հոգու վերաբերյալ հարցեր ունեն, նա որոշում է առնվազն երկու դաս անցկացնել 8-րդ հիմնական դասի համար․ «Փնտրեք և ապավինեք Հոգուն»։

• Քույր Սիլվան ցանկանում է օգնել իր դասարանի անդամներին մեծացնել իրենց ինքնավստահությունը, որպեսզի ավետարանով կիսվեն ուրիշների հետ։ Նա որոշում է, որ առաջին 11 շաբաթվա ընթացքում դասերից 6-ը կներառեն 30 րոպե՝ օգտագործելով հիմնական դաս 6-ը, որպեսզի օգնեն դասարանի անդամներին սովորել և ուսուցանել վարդապետությունը գլուխ 3-ից Քարոզիր Իմ ավետարանը ձեռնարկից։ Նա նաև որոշում է, որ 12-րդ և 13-րդ շաբաթների ընթացքում նրանք ամբողջ դասը կնվիրեն կարճ դասեր պատրաստելուն և միմյանց ուսուցանելուն:

• Քույր Սիլվան առանձնացրել է մի քանի հմտություններ, որոնք կիրառելու դեպքում իր դասարանի անդամները կօրհնվեն։ Նա որոշում է այդ հմտության կիրառումն առաջին 11 շաբաթվա ընթացքում անցկացնել այն օրերին, երբ նրանք չեն նախատեսում ուսուցանել գլուխ 3-ից։

• Վերջին օրը նա ծրագրում է ավարտել դասընթացը 13-րդ հիմնական դասով. «Առաջ գնալ հավատքով»։

Կազմեք ծրագիր, որը հարմարեցված է ձեր դասարանի համար: Ձեր ժամանակացույցը պլանավորելիս կարող եք դասարանի անդամներից կարծիքներ լսել, թե որ թեմաներն են իրենց համար ամենահետաքրքիրն ու համապատասխանը:

Հիշեք, որ գլխավոր նպատակն է առ Հիսուս Քրիստոս դարձի գալը, ոչ թե նյութը մատուցելը։ Մ՛ի գերծրագրեք ձեր դասերը: Հոգևոր աճը հնարավոր չէ շտապեցնել կամ հարկադրել։ Խաղաղ եղեք այն ամենի հետ, ինչը կարող եք իմաստալից կերպով իրականացնել ձեր ունեցած ժամանակում։