Քարոզիր Իմ ավետարանը ուղեցույցի նախաբան

Պատկերացրեք, որ ձեր ծխի ղեկավարները ցանկանում են օգնել երիտասարդներին սկսել ուսումնասիրել Քարոզիր Իմ ավետարանը ձեռնարկը։ Նրանք լսել են, որ դուք անցել եք միսիոներական պատրաստության դաս, և հրավիրել են ձեզ պատրաստել երեք րոպեանոց ակնարկ՝ երիտասարդների հետ կիսվելու համար։

Պատրաստեք այս ակնարկը՝ գրի առնելով հետևյալ հարցերի ձեր պատասխանները և ավարտելով հետևյալ վարժությունը։ Քարոզիր Իմ ավետարանը ձեռնարկից ընդգծեք պնդումներ, որոնք օգնում են պատասխանել այս հարցերին։

• Ի՞նչ է Քարոզիր Իմ ավետարանը ձեռնարկը: (տես «Առաջին Նախագահության ուղերձը» [Քարոզիր Իմ ավետարանը, v], «Քարոզիր Իմ ավետարանը ձեռնարկի ներածություն» [Քարոզիր Իմ ավետարանը, vii–ix]):

• Ինչպե՞ս կարող է Քարոզիր Իմ ավետարանը ձեռնարկի ուսումնասիրությունն օգնել ձեզ և ուրիշներին ավելի մոտենալ Երկնային Հորը և Հիսուս Քրիստոսին (տես «Քարոզիր Իմ ավետարանը ձեռնարկի օգտագործումը Եկեղեցու անդամների կողմից» Քարոզիր Իմ ավետարանը, ix):

Ուսումնասիրեք Քարոզիր Իմ ավետարանը ձեռնարկը՝ կատարելով հետևյալ քայլերը.

• Գտեք «Քարոզիր Իմ ավետարանը ձեռնարկի ներածությունը» և աչքի անցկացրեք այն կետերը, որոնք նկարագրում են, թե ինչպես է կազմված Քարոզիր Իմ ավետարանը ձեռնարկը (տես էջ vii):

• Ուսումնասիրեք 3-րդ գլուխը, որպեսզի պարզեք, թե ինչ են ուսուցանում միսիոներները։ Կարդացեք առաջին հինգ պարբերությունները (էջ 25), ապա արագորեն աչքի անցկացրեք գլխի մնացած չորս դասերը։

• Ուսումնասիրության համար ընտրեք հետևյալ գլուխներից մեկը․ 1, 2, 4, 5 կամ 6։ Կարդացեք գլխի թավատառ վերնագրերը:

• Ելնելով Քարոզիր Իմ ավետարանը ձեռնարկում ձեր գտածից, ի՞նչ եք կարծում, ո՞րն է առավել շահավետ՝ ձեր ակնարկում կիսվելու համար։