Իրականացրեք ձեր միսիոներական նպատակը

Պատկերացրեք, որ ընկեր ունեք, որը Եկեղեցու անդամ չէ: Երբ ձեր ընկերը հարցնում է, թե ինչ ծրագրեր ունեք այսօր, դուք նշում եք, որ պատրաստվում եք հաճախել միսիոներական պատրաստության դասի։ Ձեր ընկերը հարցնում է. «Ի՞նչ են անում միսիոներները»:

Կարդացեք «Ձեր նպատակը» (Քարոզիր Իմ ավետարանը, 1) և Տասներկու Առաքյալների Քվորումից երեց Դ. Թոդ Քրիստոֆերսոնի հետևյալ հայտարարությունը:

Խնդրում եմ, մի անտեսեք Քարոզիր Իմ ավետարանը ձեռնարկի գլուխ 1-ը և դրա «Ո՞րն է իմ նպատակը որպես միսիոներ» հարցը։ Յուրացրեք մարդկանց դեպի Քրիստոս բերելու նպատակը՝ վերականգնված ավետարանի սկզբունքների և արարողությունների միջոցով և դուք կհասկանաք, որ ավետարանով կիսվելը ծրագիր չէ, դա գործ է՝ Հոր, Որդու և Սուրբ Հոգու գործը: (D. Todd Christofferson, “Why We Share the Gospel,” Ensign, Aug. 2014, 36)

Քննարկեք, թե ինչպես կարող է այս նպատակի յուրացումը ազդել հետևյալի վրա.

• Ինչպես եք պատրաստվում միսիայի

• Որպես միսիոներ ձեր գործողությունները

Կարդացեք «Վերականգնված ավետարանն ուսուցանելու ձեր հանձնարարությունը» (Քարոզիր Իմ ավետարանը, 1–2): Ուսումնասիրելիս ընդգծեք.

1. Թե ինչու ենք հրավիրում մարդկանց գալ Հիսուս Քրիստոսի մոտ։

2. Ի՞նչ կարող ենք անել, որպեսզի օգնենք մարդկանց գալ Հիսուս Քրիստոսի մոտ։

• Ինչպե՞ս է Փրկչին հետևելը «ավելի մեծ երջանկություն, հույս, խաղաղություն և նպատակ» (էջ 2) բերել ձեզ կամ ձեզ ծանոթ մարդկանց:

Նպատակ դրեք, որը վերաբերում է նրան, ինչ սովորել եք։ Օգտագործեք գաղափարներ, ինչպիսիք են հետևյալը կամ մտածեք ձեր սեփականը:

• Շարունակեք վարժվել՝ մտապահելով միսիոներական նպատակը։ Հիշողությամբ կիսվեք դրանով ընտանիքի որևէ անդամի կամ ընկերոջ հետ: Մտածեք, թե ինչ եք անում արդեն կամ կարող եք սկսել անել, որը միսիոներական նպատակի մաս է։

• Այցելեք ChurchofJesusChrist.org կայքում «Կիսվեք ավետարանով» էջը: Փնտրեք գաղափարներ, որոնք կօգնեն ձեզ ավետարանով կիսվել ուրիշների հետ:

• Աղոթքով մտածեք մեկի մասին, ում ցանկանում եք օգնել ավելի մոտենալ Հիսուս Քրիստոսին և զգալ Նրա ավետարանի օրհնությունները։ Որոշեք, թե ինչ կանեք նրանց օգնելու համար (օրինակ՝ «Ես կաղոթեմ այս մարդու համար և կհրավիրեմ նրան եկեղեցի այս կիրակի»):

Քրիստոսի մաքուր վարդապետությունը զորավոր է: Այդ վարդապետությունը փոխում է այն մարդու կյանքը, ով հասկանում և ձգտում է իրագործել այն իր կյանքում: («Մաքուր ճշմարտություն, մաքուր վարդապետություն և մաքուր հայտնություն», Լիահոնա, նոյ․ 2021, 6)

• Եթե մեկը հարցներ, թե ի՞նչ է Քրիստոսի վարդապետությունը, ի՞նչ կասեիք:

Գտեք Քարոզիր Իմ ավետարանը ձեռնարկի գլուխ 1-ի «Քրիստոսի Ավետարանը և Քրիստոսի վարդապետությունը» վերնագրով բաժինը: Կարդացեք առաջին երեք պարբերությունները և Հայրում Սմիթի հայտարարությունը (էջ 6)։ Փնտրեք պատասխաններ այս երկու հարցերին․

• Ի՞նչ է Քրիստոսի վարդապետությունը:

• Ինչո՞ւ միսիայի պատրաստվողը պետք է ձգտի հասկանալ և ապրել Քրիստոսի վարդապետությամբ։

Քրիստոսի վարդապետության մասին սովորեք ավելին՝ ուսումնասիրելով հետևյալ բաժինները Քարոզիր Իմ ավետարանը ձեռնարկի գլուխ 1-ից (էջ 7–9):

• «Հավատք առ Հիսուս Քրիստոս»

• «Ապաշխարություն»

• «Մկրտություն»

• «Հաստատում և Սուրբ Հոգու պարգև»

• «Համբերել մինչև վերջ» (նաև ուսումնասիրեք 2 Նեփի 31.19–20:)

Ուսումնասիրելիս ընդգծեք կարևոր բառերն ու արտահայտությունները։ Կարող եք կարդալ բաժնի հետ կապված մի քանի սուրբ գրություն։ Պատրաստ եղեք՝ կիսվելու ձեր սովորածով։

Ամփոփեք Քրիստոսի վարդապետության այն հատվածը, որ ուսումնասիրել եք: Կարող եք ներառել հետևյալ կետերը ձեր ամփոփման մեջ.

1. Ձեր ուսումնասիրածի համառոտ ամփոփումը

2. Ինչպես է վարդապետության այս հատվածն օգնում մարդկանց գալ դեպի Քրիստոսը և հասանելիություն ունենալ Նրա փրկարար զորությանը։

3. Ինչպես եք դուք կամ ձեր ծանոթներից մեկն օրհնվել՝ հետևելով Քրիստոսի վարդապետության այս հատվածին

Նպատակ դրեք, որը վերաբերում է նրան, ինչ սովորել եք։ Օգտագործեք գաղափարներ, ինչպիսիք են հետևյալը կամ մտածեք ձեր սեփականը:

• Ուսումնասիրեք 2 Նեփի 31-ը, փնտրելով Նեփիի ուսմունքները Քրիստոսի վարդապետության վերաբերյալ:

• Բացահայտեք Քրիստոսի վարդապետության մի տարր, որը ցանկանում եք լիովին ներառել ձեր կյանքում: Մտածեք, թե ինչպես եք դա անելու։

• Ինչպե՞ս կարող է որևէ մեկն իմանալ՝ արդյոք ինքը հաջողակ միսիոներ է։

1. Կարդացեք գլուխ 1-ի «Հաջողակ միսիոներ բաժնի առաջին ինը պարբերությունները (էջ 13) Քարոզիր Իմ ավետարանը ձեռնարկում։ Ընդգծիր կամ նշիր հաջողակ միսիոներների առանձնահատկությունները։ Այլ կերպ (օրինակ՝ այլ գույն կամ ընդգծելու ձև), նշեք այնպիսի բաներ, որոնք անկարևոր են հաջողության համար։

2. Կարդացեք էջ 14-ի վերևի կետերը: Ընտրեք սուրբ գրությունների երկու կամ ավելի հղումներ կարդալու համար, փնտրելով, թե ինչ են դրանք ուսուցանում հաջողակ միսիոներ լինելու մասին:

Պատկերացրեք, որ հաղորդագրություն եք ստանում ընկերոջից, որը լիաժամկետ միսիա է ծառայում։ Նա զգում է, կարծես ձախողվում է որպես միսիոներ, քանի որ իր ուսուցանած մարդկանցից ոչ ոք չի մկրտվել և երբեք ղեկավար պաշտոն չի զբաղեցրել։ Նա սկսում է զգալ, կարծես վատնում է իր ժամանակը։

• Ելնելով «Հաջողակ միսիոներ» բաժնից Քարոզիր Իմ ավետարանը ձեռնարկի գլուխ 1-ի (էջ 13–14), օգնեք ձեր ընկերոջը այլ կերպ մտածել, այն մասին, թե ինչ է նշանակում լինել հաջողակ միսիոներ։

• Կիսվեք, թե Հիսուս Քրիստոսի վրա ավելի շատ կենտրոնանալը ինչպես կարող է փոխել այն, թե ինչպես է ձեր ընկերը վերաբերվում իր միսիոներական ծառայությանը։

Նպատակ դրեք, որը վերաբերում է նրան, ինչ սովորել եք։ Օգտագործեք նմանատիպ գաղափարներ կամ մտածեք ձեր սեփականը:

• Մտածեք ձեզ ծանոթի մասին, որը միսիա է ծառայում։ Նրանց էլեկտրոնային նամակ կամ սովորական նամակ գրեք, որն ամփոփում է այն, ինչ դուք սովորել եք այսօր հաջողակ միսիոներ լինելու մասին: Կարող եք նաև հարցնել միսիոներին, թե ինչ են նրանք գտել, որը նրանց հաջողակ է դարձնում։

• Մտածեք, թե ինչ կարող եք անել հիմա, որպեսզի պատրաստվեք լինել հաջողակ միսիոներ ապագայում։