Փնտրեք և ապավինեք Հոգուն

Բոլորը պիտի քարոզեն Ավետարանը Սուրբ Հոգու զորությամբ և ազդեցությամբ, և ոչ ոք չի կարող քարոզել ավետարանն առանց Սուրբ Հոգու: (Եկեղեցու Նախագահների ուսմունքները․ Ջոզեֆ Սմիթ [2007], 332)

• Ձեր կարծիքով, ինչո՞ւ է Սուրբ Հոգին այդքան կարևոր դեր խաղում Հիսուս Քրիստոսի ավետարանը քարոզելու գործում։

1. Ուսումնասիրեք «Փնտրեք Սուրբ Հոգու առաջնորդությունը» և «Հոգու զորությունը դարձի գալու ընթացքում» վերնագրերի ներքո գտնվող պարբերությունները (Քարոզիր Իմ ավետարանը, 101, 103-104)։

2. Ուսումնասիրեք «Հոգու զորությունը դարձի գալու ընթացքում» վերնագրի ներքո գտնվող «Սուրբ գրությունների ուսումնասիրություն» վանդակում ընդգրկված առնվազն երկու հատված (Քարոզիր Իմ ավետարանը, 104):

3. Ելնելով ձեր սովորածից՝ պատրաստվեք կիսվել հետևյալ հարցերի ձեր պատասխաններով․

   • Ինչպե՞ս կարող է Սուրբ Հոգին օգնել ինձ քարոզել Փրկչի ավետարանը։

   • Ի՞նչ դեր է խաղում Սուրբ Հոգին, երբ օգնում է մարդկանց գալ դեպի Քրիստոսը։

   • Ի՞նչ կարող եմ անել, որպեսզի հրավիրեմ Հոգուն Հիսուս Քրիստոսի ավետարանով կիսվելիս։

1. Կիսվեք նախորդ ուսումնական վարժության երեք հարցերի ձեր պատասխաններով։

   1. Ինչպե՞ս կարող է Սուրբ Հոգին օգնել ինձ քարոզել Փրկչի ավետարանը։

   2. Ի՞նչ դեր է խաղում Սուրբ Հոգին, երբ օգնում է մարդկանց գալ դեպի Քրիստոսը։

   3. Ի՞նչ կարող եմ անել, որպեսզի հրավիրեմ Հոգուն Հիսուս Քրիստոսի ավետարանով կիսվելիս։

2. Կիսվեք ձեր գտած սուրբ գրության հատվածով։ Բացատրեք, թե ինչպես է սուրբ գրության այդ հատվածը առնչվում նախկինում քննարկված երեք հարցերից մեկին։

3. Կիսվեք անձնական փորձով, կամ ձեր վկայությամբ այն մասին, թե Սուրբ Հոգին ինչպես կարող է օգնել մեզ։

Նպատակ դրեք, որը վերաբերում է ձեր սովորածին։ Օգտագործեք գաղափարներ, ինչպիսիք են հետևյալը, կամ մտածեք ձեր սեփականը:

• Օգտագործելով ուսումնական գործիքները, ինչպես օրինակ Սուրբ գրքերի ուղեցույցը կամ Թեմատիկ ուղեցույցը, ավելին ուսումնասիրեք Սուրբ Հոգու տարբեր դերերի մասին։ Մտածեք, թե Սուրբ Հոգին ինչպես կարող է օգնել ձեզ և հիմա, և որպես միսիոներ։

• Որոշեք, թե ինչ փոփոխություններ կարող եք կատարել, որը ավելի հաճախ կհրավիրի Սուրբ Հոգուն ձեր կյանք։

Պատկերացրեք, որ որևէ մեկը հարցրել է ձեզ, թե ինչպես տարբերել Սուրբ Հոգու հուշումները ձեր սեփական մտքերից ու զգացմունքերից։

• Ինչպե՞ս կարձագանքեիք դուք:

Գլուխ 4-ի հետևյալ ուսումնական տարբերակներից ընտրեք մեկը՝ Սուրբ Հոգուն ճանաչելու վերաբերյալ ձեր հասկացողությունը խորացնելու համար՝ Քարոզիր Իմ ավետարանը ձեռնարկում։

1. Ուսումնասիրեք «Սովորեք ճանաչել Հոգու հուշումները» (Քարոզիր Իմ ավետարանը, 106-107)։

2. «Անհատական ուսումնասիրություն» վանդակում ընթերցեք Սուրբ Հոգու նկարագրությունները (Քարոզիր Իմ ավետարանը, 107–8): Ուսումնասիրեք ընդգրկված սուրբ գրություններից մի քանիսը, որոնք հատկապես հետաքրքրեցին ձեզ։

• Ի՞նչ մտքեր ձեռք բերեցիք այն մասին, թե ինչպես է Աստված հաղորդակցվում մեզ հետ՝ Սուրբ Հոգու միջոցով։

• Ո՞ր օրինակներն են, ըստ ձեզ, նկարագրում Սուրբ Հոգու հետ ունեցած ձեր փորձառությունը։

1. Մի մարդ առաջնորդություն և ուղղություն է փնտրում իր համար կարևոր մի բանի վերաբերյալ։ Նա աղոթում և խնդրում է Երկնային Հորը պատասխան տալ մինչև շաբաթվա վերջ։

2. Նկատում եք, որ երբ նրանք զգում են Հոգուն, ավելի զգացմունքային են դառնում, քան դուք։ Մտածում եք, հնարավոր է ինչ-որ բան այնպես չէ ձեզ հետ։

3. Մի մարդ զգում է, որ Հոգուց առաջնորդություն է ստացել անելու մի բան, որը հակասում է մարգարեների և առաքյալների ուսմունքներին։

4. Երիտասարդ տղամարդը և երիտասարդ կինը լրջորեն հանդիպել են որոշ ժամանակ։ Մի օր տղամարդն ասում է կնոջը․ «Ես ոգեշնչում եմ ստացել, որ դու պետք է ամուսնանաս ինձ հետ»։

5. Մի մարդ երկու տարբեր համալսարաններ է ընդունվել։ Չնայած ծոմապահությանն ու աղոթքին, նա չի կարծում, որ Տերն իրեն ասում է, թե որ համալսարանը հաճախել։

Նպատակ դրեք, որը վերաբերում է ձեր սովորածին։ Օգտագործեք գաղափարներ, ինչպիսիք են հետևյալը, կամ մտածեք ձեր սեփականը:

• Հաջորդ մի քանի օրը մեծ ուշադրություն դարձրեք Սուրբ Հոգու առաջնորդության տարբեր միջոցներին, կամ, թե ինչպես եք զգում Հոգու պտուղները (տես Գաղատացիներին 5․22-23): Գրի առեք ձեր փորձառությունները:

• Ուսումնասիրեք «Անհատական ուսումնասիրություն» վանդակում ընդգրկված սուրբգրային հատվածներից յուրաքանչյուրը՝ Քարոզիր Իմ Ավետարանը ձեռնարկի էջ 107-ում։ Գրի առեք ձեռք բերած մտքերն այն մասին, թե ինչպես զգալ և ճանաչել Հոգուն։

Իմ սիրելի եղբայրներ և քույրեր, աղերսում եմ ձեզ մեծացնել հայտնություն ստանալու ձեր հոգևոր կարողությունը: ․․․ Ընտրեք կատարել պահանջվող հոգևոր աշխատանքը՝ վայելելով Սուրբ Հոգու պարգևը և ավելի հաճախ ու ավելի հստակ լսելով Հոգու ձայնը: («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 96)

• Ձեր կարծիքով, ինչո՞ւ է կարևոր Սուրբ Հոգուց հաճախակի առաջնորդություն և հայտնություն ստանալը։

Կարդացեք «Ապավինեք Հոգուն» վերնագրված բաժինը՝ Քարոզիր Իմ ավետարանը ձեռնարկում (էջ 108)։ Փնտրեք պատճառներ, ըստ որոնց, Տիրոջ գործը կատարելիս կարևոր է Հոգու ընկերակցությունն ունենալը։

• Ի՞նչ սովորեցիք այն մասին, թե ինչու է կարևոր ապավինել Սուրբ Հոգուն:

• Ի՞նչը կարող է խանգարել լիովին ապավինել Հոգուն:

• Ի՞նչն է օգնել ձեզ ավելի շատ զգալ Հոգու ազդեցությունը ձեր կյանքում:

Պատկերացրեք, որ դուք միսիոներ եք և ձեզ խնդրել են ձեր շրջանի հաջորդ ժողովի ժամանակ խոսել «Ինչպե՞ս կարող ենք ավելի շատ ապավինել Սուրբ Հոգուն» թեմայի շուրջ։ Օգտագործելով «Ապավինել Հոգուն» բաժնի վերջում գտնվող «Սուրբ գրությունների ուսումնասիրություն» վանդակը (Քարոզիր Իմ ավետարանը, 108)՝ պատրաստեք երկու-երեք րոպեանոց ելույթ, որն անդրադառնում է այս հարցին։ Գրի առեք սկզբունքներ կամ մտքեր, որոնցով ցանկանում եք կիսվել ձեր ելույթում։

Նպատակ դրեք, որը վերաբերում է ձեր սովորածին։ Օգտագործեք գաղափարներ, ինչպիսիք են հետևյալը, կամ մտածեք ձեր սեփականը:

• Անգիր սովորեք Սուրբ Հոգու վերաբերյալ որևէ սուրբ գրություն, ինչպես օրինակ սրանցից մեկը․ 1 Նեփի 4․6, 2 Նեփի 32․5, Մորոնի 10․5 կամ Վարդապետություն և Ուխտեր 8․2։

• Բացահայտեք, թե ինչը կարող եք սկսել անել, և ինչը կարող եք դադարել անել, որպեսզի օգնեք ձեզ՝ ավելի հաճախ ունենալ Սուրբ Հոգուն ձեզ հետ։