Փնտրեք քրիստոսանման հատկանիշներ

Քննարկումը վարող․ Ցուցադրեք Փրկչի պատկերներ, ինչպես օրինակ հետևյալը։ Հրավիրեք սովորողներին կիսվել այն քրիստոսանման հատկանիշներով, որոնք տեսնում են այս պատկերներում։ Կարող եք նաև դիտել «Christlike Attributes» (2։53, ChurchofJesusChrist.org), որպեսզի օգնեք դասարանի անդամներին տեսնել Փրկչի հատկանիշների այլ օրինակներ:

Քննարկումը վարող․ Բացատրեք, որ այս դասում դասարանի անդամները հնարավորություն կունենան սովորելու միսիոներական աշխատանքում քրիստոսանման հատկանիշներ փնտրելու կարևորության մասին։ Հրավիրեք նրանց առաջնորդություն փնտրել Սուրբ Հոգուց՝ իմանալու, թե որ հատկանիշներն է Տերը կամենում, որ նրանք ձգտեն զարգացնել իրենց կյանքում։ Կիսվեք հետևյալ հրահանգներով.

Քննարկումը վարող․ Կարող եք նաև միասին ուսումնասիրել Վարդապետություն և Ուխտեր 4-ը, ինչպես նկարագրված է Անհատական ուսումնասիրություն վանդակում (Քարոզիր Իմ ավետարանը, 123)։

Հրավիրեք դասարանի անդամներին քննարկել, թե ուսումնասիրությունից ինչը տպավորեց իրենց։ Հետևյալ հարցերը կարող են օգտագործվել քննարկման համար։

Քննարկումը վարող․ Նախորդ հարցը քննարկելիս կարող եք հրավիրել սովորողներին կարդալ «Աստծո պարգևներ» և «Աստիճանական գործընթաց» բաժինները (Քարոզիր Իմ Ավետարանը, 124)։ Հրավիրեք նրանց գտնել բառեր կամ արտահայտություններ այս բաժիններից, որոնք կարող են օգնել նրանց ավելի լավ հասկանալ Փրկչին ապավինելու իրենց կարիքը՝ քրիստասանման հատկանիշներ զարգացնելիս։

Քննարկումը վարող․ Դասի այս հատվածը միտված է օգնելու սովորողներին որոշել, թե Փրկչի հատկանիշներից որոնք են ուզում զարգացնել։ Ցուցադրեք ստորև ներկայացված հրահանգները։

Քննարկումը վարող․ Բավարար ժամանակ անց հրավիրեք դասարանի անդամներին զուգընկերոջ հետ կիսվել նրանով, թե որ հատկանիշն են ընտրել ուսումնասիրելու համար, իրենց սովորածի մասին հակիրճ ամփոփման հետ միասին։

Քննարկումը վարող․ Դասարանի անդամներին ժամանակ հատկացրեք՝ այսօրվա սովորածի շուրջ խորհելու և նպատակներ դնելու համար: Կարող եք ցուցադրել հետևյալը՝ նրանց օգնելու համար․