Առաջ գնացեք հավատքով

• Համեմատած ձեր պատրաստակամության հետ, որն ունեիք նախքան այս դասը, որո՞նք են այն միջոցները, որոնցով դուք այժմ ավելի պատրաստված եք զգում ծառայելու միսիայում կամ ավետարանով կիսվելու ուրիշների հետ:

• Ի՞նչ ազդեցություն է ունեցել Քարոզիր Իմ ավետարանը ձեռնարկի ուսումնասիրությունը ձեզ վրա:

• Ինչպե՞ս է փոխվել ձեր հարաբերությունը Երկնային Հոր և Հիսուս Քրիստոսի հետ:

• Դասի ժամանակ կամ դասից դուրս ի՞նչ փորձառություններ են փոփոխություն առաջացրել ձեզ համար։

• Ի՞նչ եք դեռ ուզում անել, որպեսզի շարունակեք պատրաստվել միսիոներական ծառայությանը: Ձեր կարծիքով, որո՞նք պետք է լինեն ձեր հաջորդ քայլերն այս նպատակներին հասնելու համար։

• Ո՞ւմ կուզեք օգնել ավելի մոտենալ Երկնային Հորն ու Հիսուս Քրիստոսին: Դուք ի՞նչ կանեք, որպեսզի օգնեք նրանց։

Դուք կարող եք մեծացնել Աստծուն ծառայելու ձեր ցանկությունը, և կարող եք սկսել մտածել այնպես, ինչպես մտածում են միսիոներները, կարդալ այն, ինչ կարդում են միսիոներները, աղոթել այնպես, ինչպես աղոթում են միսիոներները և զգալ այն, ինչ զգում են միսիոներները: Դուք կարող եք խուսափել աշխարհիկ ազդեցություններից, որոնք Սուրբ Հոգուն հեռացնում են, և դուք կարող եք մեծացնել ձեր վստահությունը` ճանաչելով և արձագանքելով հոգևոր հուշումներին: Տող առ տող, ցուցում առ ցուցում, մի քիչ այստեղ և մի քիչ այնտեղ, դուք աստիճանաբար կարող եք դառնալ այն միսիոները, որը հուսով եք, որ կլինեք, և այն միսիոները, որը Փրկիչն է ակնկալում, որ լինեք։ («Դառնալ Միսիոներ», Լիահոնա, նոյեմբեր 2005, 46)